យានជ្រមុជទឹក Titan នឹងអស់ខ្យល់អុកស៊ីសែន នៅម៉ោង៦ល្ងាចនេះ

ឆ្មាំឆ្នេរសមុទ្រអាមេរិក អះអាងថា ការផ្គត់ផ្គង់អុកស៊ីសែននៅក្នុងយានជ្រមុជទឹក Titan នឹងអស់នៅម៉ោង ០៦:០៨ នាទីល្ងាច (ម៉ោងនៅកម្ពុជា) នៅថ្ងៃព្រហស្បតិ៍ទី២២ខែមិថុនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបញ្ជាក់រឿងនេះពីអ្នកនាំពាក្យឆ្មាំឆ្នេរសមុទ្រ គឺធ្វើឲ្យពិភពលោកកាន់តែតាមដានយ៉ាងដិតដល់អំពីប្រតិបត្តិការជួយសង្គ្រោះមនុស្សទាំង៥នាក់ ដែលជាប់ក្នុងយានជ្រមុជទឹក ខណៈពេលធ្វើដំណើរទៅបាតមហាសមុទ្រ ដើម្បីមើលខ្មោចនាវា Titanic។

តាមការឲ្យដឹងពីក្រុមហ៊ុន OceanGate ដែលជាប្រតិបត្តិកររបស់យានជ្រមុជទឹក Titan, យាននេះមានផ្ទុកអុកស៊ីសែនដែលអាចជួយបានរយៈពេល៩៦ម៉ោង ក្នុងករណីមានអាសន្ន។

គួរបញ្ជាក់ជាថ្មី, មនុស្សចំនួន៥នាក់នៅក្នុងយាននោះមានដូចជាមហាសេដ្ឋីអង់គ្លេស អ្នករុករកបារាំង អ្នកជំនួញប៉ាគីស្ថាននិងកូនប្រុសអាយុ១៩ឆ្នាំ និងនាយកប្រតិបត្តិក្រុមហ៊ុន OceanGate ផ្ទាល់៕

ប្រែសម្រួល៖ Vann Vann

ប្រភព៖ SKY

ចុចអាន៖ មនុស្សជាប់ក្នុងយានជ្រមុជទឹក Titan ស្ថិតនៅដង្ហើមចុងក្រោយ