ព័ត៌មានអន្ដរជាតិ
អ្នកជំនាញ ប្រាប់ពីរបៀបដែលមនុស្ស៥នាក់ស្លាប់ ក្នុងយានជ្រមុជទឹក Titan
អតីតវេជ្ជបណ្ឌិតកងទ័ពជើងទឹកអាមេរិក បានបង្ហាញពីរបៀបដែលមនុស្ស៥នាក់នៅក្នុងយានជ្រមុជទឹក Titan ស្លាប់ ពេលវាផ្ទុះនៅបាតមហាសមុទ្រ។
អ្នកជំនាញ Dale Molé អតីតនាយកផ្នែកវេជ្ជសាស្ត្រក្រោមសមុទ្រ និងសុខភាពវិទ្យុសកម្មសម្រាប់កងទ័ពជើងទឹកសហរដ្ឋអាមេរិក បានប្រាប់ DailyMail ថា ការស្លាប់របស់អ្នកទាំង៥ គឺត្រឹមមួយប្រិចប៉ុណ្ណោះ ហើយគ្មានការឈឺចាប់វេទនាអ្វីសោះឡើយ។
លោក Molé និយាយថា “ដោយសារតែសម្ពាធទឹកខ្លាំង បានធ្វើឲ្យយាននោះផ្ទុះ។ វាកើតឡើងត្រឹមមួយប្រិចប៉ុណ្ណោះ ពួកគេទាំងនោះ មិនទាំងបានដឹងមុនផងថា ពួកគេជិតស្លាប់ហើយ ឬមានអ្វីកើតឡើងចំពោះពួកគេនោះទេ។ វាប្រៀបដូចជាការដែលអ្នកបិទកុងតាក់ភ្លឹបអ៊ីចឹង។ ០.០០១វិនាទីនេះពួកគេនៅរស់ ០.០០១វិនាទីក្រោយ ពួកគេស្រាប់តែស្លាប់”។
គួរបញ្ជាក់ជាថ្មី កាលពីថ្ងៃព្រហស្បតិ៍ទី២២ខែមិថុនា ឆ្មាំសមុទ្រអាមេរិក បានរកឃើញបំណែកនៃយានជ្រមុជទឹក Titan នៅជិតខ្មោចកប៉ាល់ទីតានិក ហើយបញ្ជាក់ជាផ្លូវការថា អ្នកដំណើរ៥នាក់ បានស្លាប់អស់ហើយដោយសារការផ្ទុះដ៏មហន្តរាយ។
ឆ្មាំសមុទ្របាននិយាយនៅក្នុងសេចក្តីថ្លែងការណ៍មួយថា ទីតាំងមួយដែលពោរពេញទៅដោយបំណែក ត្រូវបានយានប្រតិបត្តិការពីចម្ងាយ រកឃើញនៅក្នុងតំបន់ជិតខ្មោចកប៉ាល់ទីតានិក។
យានជ្រមុជទឹក Titan របស់ក្រុមហ៊ុន OceanGate បានបាត់ការទាក់ទងជាមួយនាវានៅផ្ទៃខាងលើឈ្មោះ Polar Prince ប្រហែលមួយម៉ោង និង ៤៥ នាទី បន្ទាប់ពីការទម្លាក់ចូលទៅក្នុងទឹក ដើម្បីធ្វើដំណើរចុះទៅមើលខ្មោចកប៉ាល់ទីតានិក កាលពីព្រឹកថ្ងៃអាទិត្យទី១៨ខែមិថុនា។
នាយកប្រតិបត្តិក្រុមហ៊ុន OceanGate លោក Stockton Rush, ទាហានជើងទឹកបារាំង Paul-Henry Nargeolet, មហាសេដ្ឋីអង់គ្លេស Hamish Harding, អ្នកជំនួញប៉ាគីស្ថាន Shahzada Dawood និងកូនប្រុសរបស់គាត់ឈ្មោះ Sulaiman Dawood គឺជាមនុស្សទាំង៥ ដែលជិះនៅក្នុងនោះ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ក្រុមហ៊ុន OceanGate ប្រឈមការចោទប្រកាន់ពីបទ “មនុស្សឃាតដោយធ្វេសប្រហែស”
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ