(មានវីដេអូ) ៖ រញ្ជួយដីកម្រិត ៧.០ រ៉ិចទ័រនៅទួរគីបណ្ដាលឲ្យមនុស្សស្លាប់ និងរបួសរាបរយនាក់

ការរញ្ជួយដីដ៏ខ្លាំងក្លាមួយបានវាយប្រហារឆ្នេរ Aegean របស់ប្រទេសទួរគី និងភាគខាងជើងនៃកោះ Samos របស់ប្រទេសក្រិកដែលបានបំផ្លាញផ្ទះសម្បែង និងសម្លាប់មនុស្សយ៉ាងហោចណាស់ ២២ នាក់ ។

ការស្ទាបស្ទង់ភូគព្ភសាស្ត្រសហរដ្ឋអាមេរិក (USGS) បាននិយាយថា ការរញ្ជួយដីកម្រិត ៧.០ រ៉ិចទ័រនេះគឺស្ថិតនៅចំកណ្តាលខេត្ត Izmir របស់ប្រទេសទួរគី ខណៈដែលដំបូងឡើយប្រទេសនេះបានដាក់កម្រិតនៃការរញ្ជួយនេះត្រឹម ៦.៦ រ៉ិចទ័រប៉ុណ្ណោះ ហើយនិយាយថា មនុស្ស ២០ នាក់បានស្លាប់ និង ៧៨៦ នាក់បានរងរបួសនៅក្នុងខេត្ត Izmir ។

អាជ្ញាធរនៅខេត្ត Izmir បច្ចុប្បន្ននេះកំពុងរៀបចំតង់ដើម្បីដាក់មនុស្សប្រហែល ២,០០០ នាក់ ចំពេលមានការភ័យខ្លាចថាអគារជាច្រើនអាចនឹងដួលរលំ ខណៈអាជ្ញាធរក៏បានជួយសង្គ្រោះមនុស្ស ៧០ នាក់ពីក្រោមគំនរបាក់បែកផងដែរ ។

ទន្ទឹមនោះក្រុមអ្នកជួយសង្គ្រោះបានបន្តរើកម្ទេចកម្ទីក៏ដូចជាជីកបេតុងដោយសង្ឃឹមថានឹងរកឃើញអ្នកនៅរស់រានមានជីវិតបន្ថែមទៀត ។

USGS បាននិយាយថា ការរញ្ជួយដីដែលនៅឆ្ងាយពីទីក្រុងអាតែន និងអ៊ីស្តង់ប៊ុលបានវាយប្រហារនៅជម្រៅ ១៦ គីឡូម៉ែត្រ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ស្ត្រីម្នាក់ត្រូវបានកាត់ក្បាល និងអ្នកផ្សេងទៀតត្រូវចាក់សម្លាប់ក្នុងការវាយប្រហារថ្មីនៅប្រទេសបារាំង

ចុចអាន ៖ តុលាការសម្រេចផ្ដន្ទាទោសអតីតប្រធានាធិបតីកូរ៉េខាងត្បូងមួយរូបទៀតជាប់ពន្ធនាគាររយៈពេល ១៧ ឆ្នាំ