ព័ត៌មានអន្ដរជាតិ
លោក អូប៉ាម៉ា៖ ហេតុអ្វី ព័ត៌មានយាន Titan ផ្សាយព្រោងព្រាត តែរឿងលិចទូកស្លាប់មនុស្សរាប់សិបនាក់ ស្ងាត់ឈឹង?
អតីតប្រធានាធិបតីអាមេរិក លោក បារ៉ាក់ អូបាម៉ា កំពុងមានចម្ងល់យ៉ាងខ្លាំងទាក់ទងនឹងក្រុមសារព័ត៌មានជាច្រើនផ្សព្វផ្សាយតែពីរឿងយានជ្រមុជទឹក Titan យ៉ាងព្រោងព្រាត ចំណែកការលិចទូករបស់ជនអន្តោប្រវេសន៍ នៅឆ្នេរសមុទ្រក្រិកមានមនុស្សរហូតដល់ទៅជាង ៧០០នាក់ បែរជាស្ងាត់ជ្រៀប។
លោកប្រៀបធៀបបែបនេះ ក្នុងការថ្លែងមួយនៅឯកម្មវិធីមូលនិធិ Stavros Niarchos ពោលគឺប៉ុន្មានម៉ោងប៉ុណ្ណោះ បន្ទាប់ពីលឺដំណឹងថា ឆ្មាំសមុទ្រអាមេរិកបានបញ្ជាក់ជាផ្លូវការអំពីការផ្ទុះយានជ្រមុជទឹក Titan សម្លាប់មនុស្សចំនួន ៥នាក់។
អតីតប្រធានាធិបតីរូបនេះបាននិយាយថា មិនគួរណាព្រឹត្តិការណ៍យានជ្រមុជទឹក Titan មានការចាប់អារម្មណ៍ច្រើនជាងគ្រោះថ្នាក់លិចទូកកណ្តាលសមុទ្រក្រិក ដែលសម្លាប់មនុស្សរាប់សិបនាក់សោះ។ គ្រោះថ្នាក់លិចទូកជនអន្តោប្រវេសន៍នេះត្រូវបាន អង្គការអន្តោប្រវេសន៍អន្តរជាតិ ហៅថាជា «សោកនាដកម្មដ៏អាក្រក់បំផុតមួយក្នុងទសវត្សរ៍ចុងក្រោយនេះ»។
លោក អូប៉ាម៉ា បន្តថា លើពិភពលោកមានសោកនាដកម្មជាច្រើនកើតឡើងតំណាលគ្នានឹងហេតុការណ៍បាត់យានជ្រមុជទឹក Titan នេះ ប៉ុន្តែការដែលគ្រោះថ្នាក់លិចទូកកណ្តាលសមុទ្រមេឌីទែរ៉ាណេ មិនសូវមានសារព័ត៌មានចុះផ្សាយបែបនេះ បានបង្ហាញពីភាពលម្អៀងរួចទៅហើយ។ លោកយល់ឃើញថា កម្រិតនៃជីវិតរបស់មនុស្សពិតជាមានភាពខុសគ្នាខ្លាំង ព្រោះចំណាប់អារម្មណ៍របស់មនុស្សភាគច្រើនងាកទៅរកការបាត់យានជ្រមុជទឹក Titan ស្ទើរទាំងស្រុង។
គ្រោះថ្នាក់លិចទូកនេះបានកើតឡើងកាលពីថ្ងៃទី ១៤ មិថុនា ឆ្នាំ ២០២៣ ពោលគឺមុនការផ្អើលបាត់យានជ្រមុជទឹក Titan ប៉ុន្មានថ្ងៃ។ ការលិចទូកកណ្តាលមហាសាគរនេះបានបណ្តាលឱ្យមនុស្សចំនួន ៨២នាក់ បាត់បង់ជីវិត មនុស្សចំនួន ១០៤ នាក់ ត្រូវបានជួយសង្គ្រោះ ចំណែកកុមារជាង ១០០នាក់ កំពុងបាត់ខ្លួន។
អ្នកដែលស្លាប់ក្នុងហេតុការណ៍លិចទូកនោះសុទ្ធសឹងតែជាជនអន្តោប្រវេសន៍មកពីបណ្តាប្រទេសនានាដូចជា ប៉ាគីស្ថាន ស៊ីរី អេហ្ស៊ីប និងប៉ាឡេស្ទីន។ យោងតាមឆ្មាំសមុទ្រ កងទ័ពជើងទឹក ដែលប្រតិបត្តិការស្វែងរក និងជួយសង្គ្រោះនេះបានឱ្យដឹងថា ជនអន្តោប្រវេសន៍រាប់រយនាក់នេះបានធ្វើដំណើរពីប្រទេសលីប៊ី ឆ្ពោះទៅកាន់ប្រទេសអ៊ីតាលី៕
ប្រែសម្រួលដោយ៖ កញ្ញា ហ្សូលី
ប្រភព៖ Daily Mail
-
សេដ្ឋកិច្ច១ សប្តាហ៍ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ៥ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ១ សប្តាហ៍ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៤ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៦ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៧ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ៣ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៦ ថ្ងៃ ago
រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ