ព័ត៌មានអន្ដរជាតិ
ក្រោយផ្ទុះរដ្ឋប្រហារនៅ រុស្ស៊ី មេទាហានស៊ីឈ្នួលរងការចោទប្រកាន់ សម្រេចដកខ្លួន
ទីភ្នាក់ងារព័ត៌មានរដ្ឋ TASS បានរាយការណ៍ថា មេទាហានស៊ីឈ្នួល Wagner Group បានដកខ្លួនចេញពីមូលដ្ឋានយោធានៅក្នុងតំបន់ Rostov ភាគខាងត្បូងនៃប្រទេសរុស្ស៊ី កាលពីល្ងាចថ្ងៃសៅរ៍។
អភិបាលក្រុង Rostov ក៏បាននិយាយថា ក្បួនរថយន្ត Wagner បានចាកចេញពីតំបន់កាលពីល្ងាចថ្ងៃសៅរ៍ ស្របពេលដែលវីដេអូថតបាននៅកន្លែងកើតហេតុ បង្ហាញពីខ្សែរថក្រោះ និងរថពាសដែកដែលកំពុងធ្វើដំណើរតាមដងផ្លូវ ដោយមានអ្នកស្រុកប្រមូលផ្តុំយ៉ាងច្រើន។
ជាមួយគ្នានេះដែរ ទីភ្នាក់ងារសារព័ត៌មានរដ្ឋមួយផ្សេងទៀតក៏បានចេញផ្សាយវីដេអូនៅលើប្រព័ន្ធផ្សព្វផ្សាយសង្គម ហើយបង្ហាញពីមេទាហានស៊ីឈ្នួល Wagner Group លោក Yevgeny Prigozhin ចាកចេញពីទីស្នាក់ការយោធាស្រុកនៅ Rostov ខណៈលោកត្រូវហ៊ុំព័ទ្ធដោយមនុស្សជាច្រើននាក់ និងត្រូវគេឃើញដើរចេញពីអគារមួយ ហើយចូលក្នុងរថយន្តភ្លាមៗ។
សូមរម្លឹកដែរថា លោក Yevgeny Prigozhin បានអះអាងកាលពីថ្ងៃសៅរ៍ថា កងកម្លាំងរបស់លោកបានគ្រប់គ្រងទីតាំងយោធាក្នុងតំបន់ ប៉ុន្តែក្រោយមកលោកបានចេញមុខបកស្រាយពាក់ព័ន្ធនឹងរឿងរ៉ាវដែលបានចោទប្រកាន់រូបលោកពីបទប៉ុនប៉ងធ្វើរដ្ឋប្រហារនៅរុស្ស៊ីថា “នេះមិនមែនជារដ្ឋប្រហារយោធានោះទេ ប៉ុន្តែជាការដើរដង្ហែរក្បួនរកយុត្តិធម៌សម្រាប់ក្រុមទាហានស៊ីឈ្នួលរបស់យើងប៉ុណ្ណោះ”៕
ប្រែសម្រួល៖ សាង ស្រីល័ក្ខ
ចុចអាន៖មេទាហានស៊ីឈ្នួល រុស្ស៊ី ចេញមុខបកស្រាយរឿងចោទធ្វើរដ្ឋប្រហារ
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក