ក្រុមហ៊ុនអាមេរិក ប្រមូលប្រដាប់ប្រដាក្មេងលេងផលិតដោយចិនមកវិញ ដោយសារបង្ករបួស

ក្រុមហ៊ុនលក់ផលិតផលក្មេងលេងរបស់​អាមេរិកដែលផលិតដោយចិន បានប្រមូលផលិតផលក្មេងលេង Baby Shark ចំនួន ៧.៥ លានគ្រឿង ពីទីផ្សារត្រលប់មកវិញ ដោយសារ​តែផលិតផលទាំងនោះ បានធ្វើឱ្យកុមារមានរបួស។

Zuru LLC ដែលជាក្រុមហ៊ុនកាលីហ្វ័រញ៉ានាំចូលផលិតផលផលិតដោយចិនកំពុងប្រមូលមកវិញនូវ Robo Alive Junior Baby Shark Swim Bath Toys ចំនួន ៦.៥ លានគ្រឿង និង Robo Alive Junior Mini Baby Shark Swimming Bath Toys ចំនួន ១លានគ្រឿងពីទីផ្សារ​ បន្ទាប់ពីរកឃើញបញ្ហានាំឱ្យក្មេងមានរបួសពីសំណាក់គណៈកម្មការសុវត្ថិភាពផលិតផលអ្នកប្រើប្រាស់អាមេរិក។

ការប្រមូលមកវិញនេះ ដោយសារតែទទួលបានរបាយការណ៍នៃចំនួនកុមារ​ចំនួន​ ១២នាក់ បានទទួលរងរបួស​ដាច់រលាត់ស្បែក​ បន្ទាប់ពីបានលេងលើផលិតផល​លេងសម្រាប់ពេលងូតទឹក Baby Shark នោះ។

លើសពីនេះ តាមការបញ្ជាក់ពីគណៈកម្មការសុវត្ថិភាពផលិតផលអ្នកប្រើប្រាស់អាមេរិក មានកុមារប្រាំបួននាក់ត្រូវបានដេរនិងទទួលការព្យាបាលផ្សេងៗទៀត ដោយសារតែរបួស៕

ប្រែសម្រួល៖ នាង រតនៈ

ប្រភព៖​ CNN