ចិន-វៀតណាម ត្រៀមពួតដៃគ្នា ពង្រឹងទំនាក់ទំនងយោធា

ក្នុងកិច្ចប្រជុំជាមួយសមភាគីវៀតណាមនៅថ្ងៃអង្គារទី២៧ខែមិថុនា រដ្ឋមន្ត្រីការពារជាតិចិន លោក Li Shangfu និយាយថា ប្រទេសចិន មានឆន្ទៈធ្វើការជាមួយវៀតណាម ដើម្បីពង្រឹងទំនាក់ទំនងនិងកិច្ចសហប្រតិបត្តិការកម្រិតខ្ពស់ រវាងយោធារបស់ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំឡុងកិច្ចប្រជុំនៅទីក្រុងប៉េកាំង លោក Li និយាយថា ស្ថានភាពអន្តរជាតិមានភាពវឹកវរ និងច្របូកច្របល់ ហើយសន្តិសុខនៃតំបន់អាស៊ីប៉ាស៊ីហ្វិក កំពុងប្រឈមនឹងបញ្ហា។

លោក Li បន្តថា “ចិននិងវៀតណាម គួរតែពួតដៃគ្នាធ្វើការ និងរួបរួមឲ្យបានជិតស្និទ្ធក្នុងដំណើរថ្មីនៃសង្គមនិយម ការពារផលប្រយោជន៍យុទ្ធសាស្ត្ររួមរបស់ប្រទេសទាំងពីរ និងរួមចំណែកជាវិជ្ជមានដល់សន្តិភាពនិងស្ថិរភាពក្នុងតំបន់។

លោក Li ​ប្រាប់រដ្ឋមន្ត្រីការពារជាតិវៀតណាម Phan Van Giang ថា ទំនាក់ទំនង​រវាង​យោធា​របស់​ពួកគេ​បាន​អភិវឌ្ឍ​យ៉ាង​ល្អ យោធា​របស់​ចិន​មាន​ឆន្ទៈ​ជំរុញ​ទំនាក់ទំនង​ទៅ​កម្រិត​ថ្មីមួយ។

កិច្ចប្រជុំរបស់រដ្ឋមន្ត្រីទាំង២ កើតឡើងបន្ទាប់ពីនាវាអាមេរិក USS Ronald Reagan បានឈប់នៅកំពង់ផែ Danang ក្នុងប្រទេសវៀតណាម កាលពីថ្ងៃអាទិត្យ ចំពេលទីក្រុងវ៉ាស៊ីនតោន មានភាពតានតឹងជាមួយទីក្រុងប៉េកាំង ពាក់ព័ន្ធបញ្ហាសមុទ្រចិនខាងត្បូង៕

ប្រែសម្រួល៖ Vann Vann

ប្រភព៖ CNA

ចុចអាន៖ វៀតណាម ទាមទារឲ្យចិន ដកនាវា ចេញពីដែនទឹក របស់ខ្លួន