ស្ថានីយប្រេងឥន្ធនៈធំបំផុតលើលោក បើកជាផ្លូវការហើយ

ស្ថានីយប្រេងឥន្ធនៈ Buc-ee’s ធំបំផុតលើលោក បើកដំណើរការជាផ្លូវការនៅថ្ងៃទី២៦ ខែមិថុនា ឆ្នាំ២០២៣ ក្នុងទីក្រុង Sevierville នៃរដ្ឋ Tennessee ។

នៅក្នុងស្ថានីយប្រេងឥន្ធនៈទំហំ ៦៨៧៤.៨២៥ ម៉ែត្រការ៉េខាងលើ មានម៉ាស៊ីនបូមស៊ាំង ១២០ គ្រឿង និងបុគ្គលិកជាង ៣៥០ នាក់ ក្រៅពីនេះគេមានលក់អាហារ ព្រមទាំងហាងទំនិញដ៏ធំផងដែរ ។

Buc-ee’s មានដើមកំណើតនៅរដ្ឋតិចសាស ក្នុងឆ្នាំ ១៩៨២ ហើយបានពង្រីកនៅទូទាំងភាគខាងត្បូង និងបើកជារៀងរាល់ថ្ងៃ ២៤ ម៉ោង ដើម្បីបំពេញតម្រូវការអតិថិជនរបស់គេ ។

ជាពិសេសអតិថិជនដែលធ្លាប់មកតែងសរសើរពីអនាម័យ តម្លៃ គុណភាព និងសេវាកម្មមិនដាច់ពីមាត់ថា ជាកត្តាសំខាន់បំផុតធ្វើឲ្យពួកគេត្រលប់មកម្ដងទៀត ១០០ ភាគរយ ។

ទោះបីជាយ៉ាងណាក៏ដោយ Buc-ee’s កំពុងសាងសង់ស្ថានីយប្រេងឥន្ធនៈធំជាងហ្នឹងទៀត ទំហំ ៦៩៦៧.៧២៨ ម៉ែត្រការ៉េ នៅរដ្ឋតិចសាសឯណោះ ៕

ប្រែសម្រួល៖ វារី

ប្រភព៖ ​Today