ព័ត៌មានអន្ដរជាតិ

ដឹងទេ នាវាផ្ទុកយន្តហោះអាមេរិក USS Ronald Reagan ចូលមក វៀតណាម ប៉ុន្មានលើកហើយ

បានផុស

២ years មុន

នៅ

ថ្ងៃពុធ ២៨ មិថុនា ២០២៣

ដោយ

នេះមិនមែនជាលើកទី ១ ទេដែលនាវាផ្ទុកយន្តហោះអាមរិក USS Ronald Reagan បានមកដល់កំពង់ផែក្នុងទីក្រុង Da Nang ពោលវាជាលើកទី ៣ ហើយ ដែលនាវាមួយនេះបានមកដល់ប្រទេសវៀតណាម ចាប់តាំងពីឆ្នាំ ២០១៨ មក ។

ក្រៅពីនាវា USS Ronald Reagan ដែលឈប់សុំចូលចតនៅទីក្រុង Da Nang កាលពីថ្ងៃអាទិត្យ ទី២៥ ខែមិថុនា កន្លងទៅ ក៏មាននាវាចំនួន ២ គ្រឿងទៀតផងដែរបានធ្វើដំណើរអមនាវាចម្បាំងមួយនេះ ។

នាវាទាំងពីរគ្រឿងដែលអមដំណើរនាវា USS Ronald Reagan នោះ គឺនាវាដឹកមីស៊ីលនាំផ្លូវ USS Antietam និង USS Robert Smalls ដើម្បីចូលរួមអបអរសាទរខួប ១០ ឆ្នាំនៃ “ភាពជាដៃគូគ្រប់ជ្រុងជ្រោយ” រវាងវៀតណាម និងអាមេរិក ហើយគ្រោងនឹងចាកចេញពីទីក្រុងកំពង់ផែវៀតណាមនៅថ្ងៃទី៣០ ខែមិថុនាខាងមុខនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចូលចតរបស់នាវា USS Ronald Reagan ដែលមានកម្លាំងទ័ពជើងទឹកជាង ៥,០០០ នាក់បានកើតឡើងតែប៉ុន្មានសប្តាហ៍ប៉ុណ្ណោះ បន្ទាប់ពីរដ្ឋាភិបាលទីក្រុងហាណូយបានតវ៉ាប្រឆាំងនឹងវត្តមានកប៉ាល់ចិនដែលបានបើកបរនៅក្នុងផ្ទៃទឹករបស់ខ្លួន ។

គួរបញ្ជាក់ថា នាវា USS Ronald Reagan ត្រូវបានដាក់ពង្រាយទៅកាន់តំបន់ប្រតិបត្តិការកងនាវាទី ៧ របស់សហរដ្ឋអាមេរិក ដើម្បីគាំទ្រដល់តំបន់ឥណ្ឌូប៉ាស៊ីហ្វិកដោយសេរី និងបើកចំហ ហើយកងនាវានេះតែងតែធ្វើអន្តរកម្ម និងប្រតិបត្តិការជាមួយសម្ព័ន្ធមិត្ត និងដៃគូនានាជុំវិញពិភពលោក ៕