កំណែទម្រង់ថ្មីពាន UCL ត្រូវអនុវត្ត​នៅរដូវកាល២០២៤-២៥

សហព័ន្ធកីឡាបាល់ទាត់ទ្វីបអឺរ៉ុប (UEFA) បានកែប្រែប្រព័ន្ធលេងថ្មីក្នុងក្របខណ្ឌ Champions League ដែលនឹងចាប់ផ្តើមអនុវត្តនៅរដូវកាល ២០២៤-២៥។

ប្រព័ន្ធលេងនេះត្រូវបានកែប្រែច្រើន ក្នុងនោះនឹងមាន ៣៦ ក្រុមចូលរួមប្រកួត ប្រៀបធៀបនឹងប្រព័ន្ធលេងចាស់មានតែ ៣២ ក្រុម ដូច្នេះមានន័យថា បន្ថែម៤ក្រុមទៀតដូចខាងក្រោម។

•        កៅអី១បានទៅក្លិបដែលជាប់ចំណាត់ថ្នាក់លេខ ៣ ក្នុងពានរង្វាន់ជើងឯកសមាគមជាតិ ស្ថិតនៅកម្រិតទី៥របស់ UEFA។

•        កៅអី១បានទៅក្លិបក្នុងលីគដោយពង្រីកពីចំនួន៤ក្រុមទៅ៥ក្រុមចំពោះលីគមានលក្ខណៈគ្រប់គ្រាន់។

•        កៅអីចុងក្រោយចំនួន២គឺបានក្លិបដែលធ្វើបានល្អបំផុតក្នុងរដូវកាលមុន គិតពីចំនួនពិន្ទុសរុបដែលទទួលបានចែកនឹងចំនួនក្លិបដែលចូលរួម។

សម្រាប់ប្រព័ន្ធលេងរដូវកាលឆ្នាំ ២០២៤-២៥ គឺក្រុមទាំងអស់ចូលរួមប្រកួតក្នុងលីគមួយរួមគ្នាហើយក្រុមទាំងអស់នឹងលេងចំនួន៨ ប្រកួតទល់នឹងគូប្រកួត៨ផ្សេងគ្នាដែលក្នុងដី៤ប្រកួត និងក្រៅដី៤ប្រកួត។

ក្រុមកំពូល៨ក្នុងលីគនឹងឡើងទៅវគ្គជម្រុះដោយស្វ័យប្រវត្តិសម្រាប់វគ្គជម្រុះតាមពូល ខណៈក្រុមបញ្ចប់ចំណាត់ថ្នាក់លេខ ៩ ដល់លេខ ២៤ នឹងត្រូវប្រកួតប្រជែងក្នុងវគ្គ Play-off ពីរជើង ដើម្បីឈានទៅកាន់វគ្គ ១៦ ក្រុមចុងក្រោយ។

សម្រាប់ប្រព័ន្ធលេងចាស់មានក្រុមចំនួន ៣២ បែងចែកចេញជា ៨ ពូល ក្នុង១ ពូលមាន ៤ ក្រុមជាហើយក្រុមលេខ ១ និង លេខ ២ ក្នុងពូលមានសិទ្ធិទៅប្រកួតនៅវគ្គ ១៦ក្រុមបន្ត។

ក្របខណ្ឌ UEFA Champions League គឺជាការប្រកួតដ៏ល្បីមួយនៅក្នុងពិភពបាល់ទាត់នាពេលបច្ចុប្បន្នសម្រាប់ក្លិបមកពីប្រទេសផ្សេងៗនៅតំបន់អឺរ៉ុប៕

ប្រែសម្រួល៖ ផា រតនា
ប្រភព៖ UEFA