ព័ត៌មានអន្ដរជាតិ
ផ្ទុះការប៉ះទង្គិចគ្នាដោយហិង្សានៅទីក្រុង Barcelona ដោយសារតែវិធានការដាក់ប្រទេសក្នុងភាពអាសន្ន
កាលពីថ្ងៃសុក្រហ្វូងមនុស្សដែលខឹងសម្បារបានបាញ់ផ្លោងគ្រាប់ និងគ្រាប់បែកផ្សែងដាក់ប៉ូលីសនៅទីក្រុង Barcelona ប្រទេសអេស្ប៉ាញ ខណៈដែលក្រុមអ្នកតវ៉ារាប់រយនាក់បានប្រមូលផ្តុំគ្នានៅតាមដងផ្លូវដើម្បីធ្វើបាតុកម្មប្រឆាំងនឹងការដាក់ប្រទេសក្នុងស្ថានភាពអាសន្នថ្មីពាក់ព័ន្ធនឹងជំងឺកូវីដ ១៩ ។
ការតវ៉ានេះធ្វើឡើង បន្ទាប់ពីការសម្រេចចិត្តរបស់សមាជិកសភាតំបន់ Catalan ក្នុងការបិទព្រំដែនក្នុងតំបន់រយៈពេល ១៥ ថ្ងៃ និងបិទហាងនានាលើកលែងតែហាងលក់ម្ហូបអាហារក្នុងគោលបំណងបញ្ឈប់ការរីករាលដាលរលកទី ២ នៃករណីឆ្លងជំងឺកូវីដ ១៩ ដែលកំពុងកើនឡើងខ្លាំង ។
ប៉ូលិសបានព្រមានដល់សាធារណជនកុំឲ្យចូលទៅជិតទីលាន Placa Sant Jaume ក្នុងតំបន់ Gothic Quarter ជាទីដែលការប៉ះទង្គិចដោយអំពើហិង្សាបានកើតឡើង ខណៈដែលក្រុមមន្រ្តីប្រដាប់ដោយអាវុធបានប្រើដំបង និងបាញ់កាំភ្លើងគ្រាប់ជ័រដើម្បីបំបែកហ្វូងបាតុករ ។
យោងតាមប៉ូលិសបានឲ្យដឹងថា ទីលាននេះគឺជាចំនុចប្រសព្វសម្រាប់ក្រុមអ្នកតវ៉ាប្រមាណ ១,៥០០ នាក់ដែលអ្នកខ្លះប្រដាប់ដោយគ្រាប់បែកផ្សែង និងផាវ ខណៈយ៉ាងហោចណាស់ក្រុមអ្នកតវ៉ា ២ នាក់ក៏ត្រូវបានចាប់ខ្លួនផងដែរ ។
នៅក្នុងវីដេអូមួយដែលត្រូវបានបង្ហោះនៅលើបណ្តាញសង្គម អ្នកតវ៉ាត្រូវបានគេឃើញគប់គ្រាប់បែកផ្សែងទៅរបាំងរបស់ប៉ូលីសមួយក្រុម មុនពេលមន្រ្តីរាប់សិបនាក់ការពារមិនឲ្យដើរចូលទៅក្នុងទីលាន ខណៈមន្ត្រីមួយចំនួនបានប្រើដំបងវាយទៅលើមនុស្សដែលកំពុងដេកនៅលើដី ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ (មានវីដេអូ) ៖ រញ្ជួយដីកម្រិត ៧.០ រ៉ិចទ័រនៅទួរគីបណ្ដាលឲ្យមនុស្សស្លាប់ និងរបួសរាបរយនាក់
ចុចអាន ៖ (Update) ៖ អ្នកស្លាប់ដោយព្យុះ Molave នៅវៀតណាមកើនដល់ ៤០ នាក់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង