ព័ត៌មានអន្ដរជាតិ
អង់គ្លេស នឹងដំណើរការសេវាបូជាសពមនុស្សដោយប្រើទឹក នៅចុងឆ្នាំ ២០២៣
ចក្រភពអង់គ្លេសនឹងជ្រើសយកការបូជាសពមនុស្សដោយប្រើទឹក ដែលជាដំណើរការរំលាយសាកសពជាមួយទឹក និងសារធាតុគីមីអាល់កាឡាំង ដោយបន្សល់ទុកនូវតែឆ្អឹងប៉ុណ្ណោះ ។

ដំណើរការបូជាសពបែបនេះត្រូវបានបង្កើតឡើងដោយបុរសជនជាតិអង់គ្លេសម្នាក់ឈ្មោះ Amos Herbert Hobson នៅឆ្នាំ ១៨៨៨ ក្នុងគោលបំណងកែច្នៃគ្រោងឆ្អឹងសត្វទៅជាជីសម្រាប់រុក្ខជាតិ ប៉ុន្តែឥឡូវនេះ គេប្រើវិធីនេះចំពោះមនុស្សដូចគ្នា ហើយខាងក្រោមនេះគឺជា ដំណាក់កាលនៃការបូជាសពមនុស្សដោយប្រើទឹក និងសារធាតុគីមីអាល់កាឡាំង៖

១. សាកសពត្រូវបានដាក់ចូលទៅក្នុងម៉ាស៊ីនមួយ ហើយបំពេញដោយទឹក និងប៉ូតាស្យូម-អ៊ីដ្រុកស៊ីត
២. បំពេញធុងសំពាធដោយល្បាយអាល់កាឡាំង
៣. គេកម្ដៅវាដល់ ១៥២ អង្សាសេ
៤. សារធាតុរាវដែលចេញពីសាកសពត្រូវបានធ្វើឲ្យត្រជាក់វិញនៅធុងមួយទៀត
៥. សារធាតុរាវរបស់សពប្រហែល ១,២៤៩ លីត្រ ត្រូវគេបង្ហូរចោល
៦. ចំណែកឯឆ្អឹងដែលនៅសល់ គេយកទៅកិនឲ្យក្លាយជាម្សៅទើបប្រគល់ជូនគ្រួសារវិញ ។

ចំណែកលក្ខណៈពិសេសនៃវិធីសាស្ត្របូជាសពខាងលើនេះ គឺប៉ះពាល់បរិស្ថានត្រឹមតែ ១០ ភាគរយប៉ុណ្ណោះ បើប្រៀបធៀបនឹងការបូជាសពទូទៅ ។ ជាការពិតណាស់ ការបូជាសពមនុស្សធម្មតា បញ្ចេញឧស្ម័នកាបូនឌីអុកស៊ីត និងសារធាតុបំពុលជាច្រើនទៅក្នុងបរិយាកាស គឺស្មើនឹងឡានដែលធ្វើដំណើរបាន ៩៦៥ គីឡូម៉ែត្រឯណោះ ។
យ៉ាងណាមិញ តម្លៃនៃការបូជាសពដោយប្រើទឹកមិនទាន់ដឹងច្បាស់នៅឡើយទេ ប៉ុន្តែអ្នករៀបចំបុណ្យបានបង្ហើបថា វាមានតម្លៃប្រហាក់ប្រហែលការបូជាសព្វធម្មតាដែរទេ ៕
ប្រែសម្រួល៖ វារី

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៨ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ