វៀតណាម ដាក់ឈ្មោះជនសង្ស័យភេរវកម្មនៅ Dak Lak ម្នាក់ទៀត ក្នុងបញ្ជីតាមចាប់ខ្លួន

នាយកដ្ឋានប៉ូលិសក្នុងតំបន់ បាននិយាយនៅថ្ងៃពុធទី៥ខែកក្កដាថា ជនសង្ស័យម្នាក់ទៀតក្នុងករណីអំពើភេរវកម្ម នៅខេត្ត Dak Lak ត្រូវបានដាក់ក្នុងបញ្ជីតាមចាប់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យម្នាក់នេះឈ្មោះ Y Hual Eban កើតក្នុងឆ្នាំ១៩៧០ និងមានទីលំនៅភូមិ Map ឃុំ Ea Pok ស្រុក Cu M’gar។ កាលពីថ្ងៃទី៣ខែកក្កដា ប៉ូលិសខេត្ត Dak Lak បានបើកការស៊ើបអង្កេតជាផ្លូវការ លើរូបលោកក្រោមបទចោទប្រកាន់ “អំពើភេរវកម្ម មានបំណងប្រឆាំងនឹងរដ្ឋបាលប្រជាជន”។

កាលពីថ្ងៃទី១១ ខែមិថុនា ជនប្រដាប់អាវុធពីរក្រុម បានវាយប្រហារទីស្នាក់ការគណៈកម្មាធិការប្រជាជននៃឃុំ Ea Tieu និង Ea Ktur ដោយបានសម្លាប់មន្ត្រី និងជនស៊ីវិលចំនួន៩នាក់។

ហើយនៅថ្ងៃទី២៣ខែមិថុនា ភ្នាក់ងារស៊ើបអង្កេតរបស់ប៉ូលិសខេត្ត Dak Lak បានចេញសេចក្តីសម្រេច ស្តីពីការចាប់ផ្តើមដំណើរការផ្លូវច្បាប់ដើម្បីប្រឆាំង និងឃុំខ្លួនបណ្តោះអាសន្នលើជនសង្ស័យចំនួន៧៥នាក់ ក្រោមការចោទប្រកាន់ពីបទភេរវកម្ម។

មន្ត្រីក៏បានចាប់ផ្តើមដំណើរការផ្លូវច្បាប់ ប្រឆាំងនឹងមនុស្សប្រាំពីរនាក់ពីបទ “មិនរាយការណ៍អំពីឧក្រិដ្ឋជន លាក់ឧក្រិដ្ឋជន និងរៀបចំឲ្យឧក្រិដ្ឋជន ចេញចូលឬស្នាក់នៅក្នុងប្រទេសវៀតណាម” ដោយខុសច្បាប់ផងដែរ៕

ប្រែសម្រួល៖ Vann Vann

ប្រភព៖ VN Express

ចុចអាន៖ នៅសល់ជនសង្ស័យប្រដាប់អាវុធ ៥ នាក់ទៀត វៀតណាម មិនទាន់ចាប់បាន ក្រោយរត់ចេញពីខេត្តជាប់ កម្ពុជា