ព័ត៌មានអន្ដរជាតិ

រកឃើញសារធាតុញៀនមួយប្រភេទនៅក្នុងបរិវេណ សេតវិមាន ខណៈការស៊ើបអង្កេតកំពុងធ្វើឡើង

បានផុស

២ years មុន

នៅ

ថ្ងៃពុធ ៥ កក្កដា ២០២៣

ដោយ

ទីភ្នាក់ងារសម្ងាត់របស់សហរដ្ឋអាមេរិកកំពុងធ្វើការស៊ើបអង្កេតពីប្រភពរបស់សារធាតុកូកាអ៊ីនមួយប្រភេទ បន្ទាប់ពីអាជ្ញាធរអនុវត្តច្បាប់រកឃើញសារធាតុញៀនមួយនេះនៅក្នុងបរិវេណ West Wing របស់សេតវិមានកាលពីល្ងាចថ្ងៃអាទិត្យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារសម្ងាត់របស់សហរដ្ឋអាមេរិកបាននិយាយនៅក្នុងសេចក្តីថ្លែងការណ៍មួយទៅកាន់សារព័ត៌មាន Fox News Digital ថា “កាលពីល្ងាចថ្ងៃអាទិត្យ បរិវេណនៃអគារសេតវិមានបានឈានទៅដល់ការបិទទ្វារ ដើម្បីជាការប្រុងប្រយ័ត្ន ខណៈដែលមន្រ្តីមកពីផ្នែកពាក់ព័ន្ធនៃទីភ្នាក់ងារសម្ងាត់ក៏បានស៊ើបអង្កេតពីប្រភពបន្ថែមរបស់សារធាតុញៀនដែលបានរកឃើញនៅកន្លែងបំពេញការងារនោះផងដែរ” ។

សេចក្តីថ្លែងការណ៍បានបន្ថែមទៀតថា “នាយកដ្ឋានពាក់ព័ន្ធផ្សេងទៀតរបស់ទីក្រុងវ៉ាស៊ីនតោនឌីស៊ី ក៏ត្រូវបានហៅឲ្យធ្វើការវាយតម្លៃ និងកំណត់យ៉ាងឆាប់រហ័សនៃកូកាអ៊ីននេះថាមាន ឬមិនមានគ្រោះថ្នាក់ ខណៈការស៊ើបអង្កេតពីដើមចមដែលសារធាតុញៀនមួយនេះចូលមកដល់បរិវេណសេតវិមាន ក៏ត្រូវបានធ្វើឡើងផងដែរ” ។

គួរបញ្ជាក់ថា នៅពេលដែលសារធាតុញៀនមួយនេះត្រូវបានរកឃើញ លោកប្រធានាធិបតី ចូ បៃដិន មិនស្ថិតនៅក្នុងសេតវិមានឡើយ ខណៈមន្ត្រីនៅក្នុងនោះក៏ត្រូវបានជម្លៀសចេញផងដែរ ៕