កម្ពុជា ជាប់លេខ១៣ ឈរលើ ថៃ ជាប្រទេសមានសុខក្សេមក្សាន្ត នៅអាស៊ីប៉ាស៊ីហ្វិក

យោងតាមទិន្នន័យរបស់វិទ្យាស្ថានសេដ្ឋកិច្ចនិងសន្តិភាព បានបង្ហាញថា កម្ពុជា ជាប់ចំណាត់ថ្នាក់ទី៧៣លើពិភពលោក ជាប្រទេសដែលមានសុខក្សេមក្សាន្ត ហើយបើគិតតែតំបន់អាស៊ីប៉ាស៊ីហ្វិក កម្ពុជា ឈរនៅលំដាប់ទី១៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យរបស់វិទ្យាស្ថានខាងលើ គឺប្រៀបធៀបជាមួយប្រទេសចំនួន១៦៣ ហើយក្រោយបញ្ចប់ការគណនារួចរាល់ ប្រទេសកម្ពុជា មានពិន្ទុសរុបល្អជាងប្រទេសថៃទៅទៀត ប៉ុន្តែឈរនៅក្រោមឡាវ និងវៀតណាម។

បើគិតចំណាត់ថ្នាក់សម្រាប់ប្រទេសមានសុខក្សេមក្សាន្តបំផុតក្នុងតំបន់អាស៊ីប៉ាស៊ីហ្វិក, អ្នកជាប់ភូមិផងរបងគ្នាទាំង៤គឺ វៀតណាមឈរលេខ៧, ឡាវលេខ១០, កម្ពុជា លេខ១៣ និងថៃ លេខ១៥។

ចំណែកប្រទេសមានសុខក្សេមក្សាន្តលេខ១លើពិភពលោក គឺបានទៅលើអ៊ីស្លង់ រី​ឯប្រទេសមានសុខក្សេមក្សាន្តលេខ១សម្រាប់តំបន់អាស៊ីប៉ាស៊ីហ្វិកគឺ ណូវែលសេឡង់។

គួរបញ្ជាក់ថា ទិន្នន័យរបស់វិទ្យាស្ថាននេះ គឺផ្អែកទៅលើលក្ខណៈវិនិច្ឆ័យសំខាន់ចំនួនបីដូចជា ១.កម្រិតនៃសុវត្ថិភាព និងសន្តិសុខសង្គម ២. វិសាលភាពនៃជម្លោះក្នុងស្រុកនិងអន្តរជាតិដែលកំពុងបន្ត និង ៣. កម្រិតនៃការធ្វើទំនើបកម្មយោធា៕

ប្រែសម្រួល៖ Vann Vann

ប្រភព៖ VN Express

ចុចអាន៖ កម្ពុជា ជាប់លេខ៧ ជាប្រទេសសម្បូរមនុស្សស្គមបំផុត លើពិភពលោក