ហូឡង់ ហាមមិនឲ្យសិស្សសាលា យកទូរស័ព្ទ ចូលថ្នាក់រៀន

កាលពីថ្ងៃពុធទី៥ខែកក្កដា ប្រទេសហូឡង់ បានប្រកាសហាមឃាត់សិស្សសាលា ពីការយកទូរស័ព្ទចូលថ្នាក់រៀន ក្នុងគោលបំណងមិនឲ្យបច្ចេកវិទ្យា រំខានដល់ការសិក្សា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលហូឡង់និយាយថា ទូរស័ព្ទ ថេប្លេត និងនាឡិកាឆ្លាតវៃ កំពុងក្លាយជាឧបសគ្គក្នុងវិធីសិក្សារបស់សិស្ស ហើយនឹងមិនអនុញ្ញាតឲ្យយកចូលថ្នាក់រៀនឡើយ ចាប់ពីឆ្នាំក្រោយទៅ។

យោងតាមរដ្ឋាភិបាល, “មាន​ព័ស្តុតាង​កាន់តែ​ច្រើន​ដែល​ថា ​ទូរស័ព្ទ​ដៃ​ជះ​ឥទ្ធិពល​អាក្រក់​ក្នុង​ពេល​រៀន​។ សិស្ស​មិន​សូវ​​ផ្តោត​អារម្មណ៍លើមេរៀន ហើយប៉ះពាល់ខ្លាំងដល់ការសិក្សា។ ដោ​យសារហេតុផលនេះ ទូរស័ព្ទចល័ត ក៏ដូចជាថេប្លេត និងនាឡិកាឆ្លាតវៃផងដែរ នឹងមិនត្រូវបានអនុញ្ញាតឲ្យយកចូលថ្នាក់រៀនឡើយ ចាប់ពីថ្ងៃទី១ខែមករាឆ្នាំ២០២៤ ទៅ”។

ទោះបីជាយ៉ាងណាក៏ដោយ រដ្ឋាភិបាល​កំពុង​ស្នើ​ឲ្យ​អាជ្ញាធរ​សាលា ត្រូវ​យល់ព្រម​លើ​ច្បាប់​ផ្ទៃក្នុង​ជាមួយ​គ្រូបង្រៀន ឪពុកម្តាយ និង​សិស្ស ជាមុនសិន​ត្រឹម​ខែតុលា។

ស្របពេលជាមួយគ្នានេះ រដ្ឋមន្ត្រីក្រសួងអប់រំ លោក Robbert Dijkgraaf បានប្រាប់សភាថា លោកមានក្តីសង្ឃឹម ចំណាត់ការនេះនឹងនាំទៅរកការផ្លាស់ប្តូរវប្បធម៌ និងធ្វើឲ្យការសិក្សាកាន់តែប្រសើរឡើង៕

ប្រែសម្រួល៖ Vann Vann

ប្រភព៖ Straits Times

ចុចអាន៖ ក្រសួងអប់រំ អំពាវនាវឲ្យពង្រឹងការលើកកម្ពស់សីលធម៌​នៅតាមសាលារៀន