ព័ត៌មានអន្ដរជាតិ
លោក បៃដិន ប្រាប់មូលហេតុដែល អាមេរិក សម្រេចបញ្ជូនគ្រាប់បែកចង្កោមទៅឲ្យ អ៊ុយក្រែន
ប្រធានាធិបតីអាមេរិកលោក ចូ បៃដិន បានបញ្ជាក់ប្រាប់សារព័ត៌មាន CNN នៅក្នុងបទសម្ភាសន៍មួយដែលបានចេញផ្សាយកាលពីសុក្រ អំពីមូលហេតុនៃការសម្រេចចិត្តផ្ដល់គ្រាប់បែកចង្កោមទៅឲ្យអ៊ុយក្រែន ។
លោក បៃដិន បានលើកឡើងថា សហរដ្ឋអាមេរិកបានសម្រេចចិត្តផ្ដល់គ្រាប់បែកចង្កោមទៅឲ្យអ៊ុយក្រែន ដោយសារតែទាំងរដ្ឋាភិបាលទីក្រុងវ៉ាស៊ីនតោន និងទីក្រុងកៀវកំពុងអស់គ្រាប់ធម្មតាហើយ ដូច្នេះមានតែគ្រាប់បែកប្រភេទនេះប៉ុណ្ណោះដែលជាជម្រើសដ៏ល្អ ។
លោក បៃដិន បាននិយាយទៀតថា “បច្ចុប្បន្នអ៊ុយក្រែនកំពុងអស់គ្រាប់ហើយ ម្យ៉ាងវិញទៀតនេះក៏ជាសង្គ្រាមដែលទាក់ទងនឹងគ្រាប់បែកផងដែរ ដូច្នេះហើយទើបខ្ញុំយកអនុសាសន៍របស់ក្រសួងការពារជាតិទៅពិចារណា ហើយនៅទីបំផុតខ្ញុំបានអនុញ្ញាតឲ្យមានការផ្ដល់អាវុធបែបនេះទៅដល់អ៊ុយក្រែន” ។
ប្រធានាធិបតីអាមេរិករូបនេះបានបន្ថែមថា រដ្ឋាភិបាលទីក្រុងកៀវពិតជាត្រូវការគ្រាប់បែកចង្កោម ហើយសព្វាវុធប្រភេទនេះ គឺចាំបាច់ណាស់ដើម្បីពង្រឹងឱកាសនៃការវាយលុករបស់អ៊ុយក្រែន ហើយវាក៏ជារឿងសំខាន់ផងដែរដែលពួកគេមានអាវុធដើម្បីបញ្ឈប់ការវាយលុករបស់រុស្ស៊ី” ។
គួរបញ្ជាក់ថា កាលពីថ្ងៃសុក្រ សហរដ្ឋអាមេរិកបានប្រកាសជាផ្លូវការ នឹងផ្ដល់គ្រាប់បែកចង្កោមដែលជាអាវុធត្រូវបានហាមឃាត់នៅក្នុងប្រទេសជាង ១០០ ទៅឲ្យអ៊ុយក្រែន ខណៈក្នុងសេចក្តីប្រកាសនោះ មិនបានបញ្ជាក់ពីចំនួនគ្រាប់ពិតប្រាកដដែលត្រូវផ្តល់ឲ្យរដ្ឋាភិបាលទីក្រុងកៀវនោះទេ ៕
ប្រែសម្រួលដោយ ៖ ជីវ័ន្ត
ប្រភព ៖ TASS
ចុចអាន ៖ រុស្ស៊ី ប្រតិកម្មភ្លែត ក្រោយអាមេរិក សម្រេចផ្តល់គ្រាប់បែកចង្កោមឲ្យ អ៊ុយក្រែន
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ