ព័ត៌មានអន្ដរជាតិ
ប៉ូលិសខេត្ត វៀតណាម ជាប់ កម្ពុជា ដែលកើតមានការវាយប្រហារចាប់ផ្ដើមយុទ្ធនាការ “ដូរអាវុធយកអង្ករ” ជាមួយពលរដ្ឋ
ប៉ូលីសស្រុក Ea H’leo ក្នុងខេត្ត Dak Lak ដែលមានព្រំប្រទល់ជាប់ខេត្តមណ្ឌលគិរីរបស់ព្រះរាជាណាចក្រកម្ពុជា កាលពីថ្ងៃសុក្របានចាប់ផ្ដើមយុទ្ធនាការ “ដូរអាវុធយកអង្ករ” នៅក្នុងភូមិ Cham ឃុំ Ea Sol ដោយប្រមូលកាំភ្លើងកែច្នៃបានជាង ៣០០ ដើម ។
លោកវរសេនីយ៍ទោ Nguyen Cong Hoa មេប៉ូលិសស្រុក Ea H’leo បាននិយាយថា ឃុំ Ea Sol គឺជាជម្រករបស់ជនជាតិភាគតិចជាច្រើនដែលរក្សាទម្លាប់បរបាញ់សត្វព្រៃ ដូច្នេះហើយគ្រួសារជាច្រើននៅក្នុងឃុំ បានកែច្នៃអាវុធដោយខ្លួនឯងសម្រាប់ការបរបាញ់សត្វយកមកចិញ្ចឹមជីវិតរបស់ពួកគេ ។
លោកបានបន្ថែមថា “ដើម្បីការពារប្រជាពលរដ្ឋ និងធានាសន្តិសុខក្នុងខេត្ត ប៉ូលិសបានដាក់ចេញនូវកម្មវិធី “ដូរអាវុធយកអង្ករ” ដើម្បីលើកទឹកចិត្តអ្នកស្រុកឲ្យផ្លាស់ប្តូរអាវុធកែច្នៃជាមួយកម្លាំងសមត្ថកិច្ច ដោយសារតែការរក្សាអាវុធនៅផ្ទះអាចគំរាមកំហែងដល់សុវត្ថិភាពរបស់ម្ចាស់អាវុធ និងមនុស្សផ្សេងទៀតជាដើម ជាពិសេសវាប៉ះពាល់ដល់សន្តិសុខក្នុងមូលដ្ឋានទាំងមូលតែម្ដង” ។
លោក Hoa បានគូសបញ្ជាក់ថា ប្រជាពលរដ្ឋនៅក្នុងស្រុកដែលចូលរួមក្នុងយុទ្ធនាការនេះ បានសម្ដែងការពេញចិត្តជាខ្លាំង ហើយចាប់ផ្ដើមបានតែមួយភ្លែតប៉ុណ្ណោះ ប៉ូលិសប្រមូលកាំភ្លើងកែច្នៃបានជាង ៣០០ ដើម ខណៈកម្លាំងសមត្ថកិច្ចក៏បានអំពាវនាវឲ្យប្រជាពលរដ្ឋ ប្រគល់ឧបករណ៍គ្រោះថ្នាក់ និងគ្រឿងផ្ទុះផ្សេងៗទៀតផងដែរ ។
ចំណែកប្រជាជននៅភូមិ Binh Minh និង Binh Son ក្នុងឃុំ Ea Tir ក៏បានសម្ដែងក្ដីរំភើបរីករាយផងដែរ ដែលបានប្រគល់អាវុធដល់ប៉ូលិស ហើយពួកគេថែមទាំងបានសន្យាថា នឹងមិនរក្សាទុក និងជួញដូរឧបករណ៍គ្រោះថ្នាក់ និងកាំភ្លើងកែច្នៃណាមួយឡើយ ។
គួរបញ្ជាក់ថា កាលពីថ្ងៃទី១១ ខែមិថុនា ក្រុមប្រដាប់អាវុធចំនួន ២ បានបើកការវាយប្រហារលើការិយាល័យគណៈកម្មាធិការប្រជាជននៅឃុំ Ea Ktur និង Ea Tieu ក្នុងខេត្ត Dak Lak ដោយបានសម្លាប់មន្ត្រី ប៉ូលិស និងជនស៊ីវិលចំនួន ៩ នាក់ ខណៈ រហូតមកដល់ពេលនេះ ជនសង្ស័យប្រមាណ ៩០ នាក់ត្រូវបានចាប់ខ្លួនពីបទឧក្រិដ្ឋកម្មជាច្រើន រួមទាំងអំពើភេរវកម្មផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Tuoi Tre
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៧ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ