ព័ត៌មានអន្ដរជាតិ
អាមេរិក ថា ការផ្ដល់គ្រាប់បែកចង្កោមទៅឲ្យ អ៊ុយក្រែន នឹងមិនបង្កការប្រេះឆាគ្នាក្នុងសម្ព័ន្ធមិត្តណាតូឡើយ
ទីប្រឹក្សាសន្តិសុខជាតិរបស់សេតវិមាន លោក Jake Sullivan បានប្រាប់អ្នកយកព័ត៌មានកាលពីថ្ងៃអាទិត្យថា ចំណាត់ការរបស់សហរដ្ឋអាមេរិកក្នុងការចែកចាយគ្រាប់បែកចង្កោមទៅកាន់ប្រទេសអ៊ុយក្រែន នឹងមិនបង្កភាពមិនចុះសម្រុងគ្នា ឬប្រេះឆាក្នុងចំណោមសម្ព័ន្ធមិត្តនៃអង្គការណាតូនោះទេ ។
លោក Sullivan បាននិយាយថា “ការសម្រេចចិត្តនេះនឹងមិនមានការបែកបាក់ផ្ទៃក្នុង ការបែងចែក ឬភាពមិនចុះសម្រុងគ្នានៅក្នុងសម្ព័ន្ធមិត្តអង្គការណាតូរបស់យើងឡើយ ហើយយើងក៏មានការធានាជាលាយលក្ខណ៍អក្សរផងដែរចំពោះទីក្រុងកៀវថា អាវុធទាំងនេះនឹងមិនត្រូវបានប្រើនៅលើទឹកដីរុស្ស៊ីឡើយ” ។
លោក Sullivan បានលើកឡើងទៀតថា គ្រាប់បែកចង្កោមនឹងមិនត្រូវប្រើនៅលើទឹកដីរុស្ស៊ីនោះទេ វានឹងប្រើនៅលើទឹកដីរបស់អ៊ុយក្រែនតែប៉ុណ្ណោះ ជាពិសេសតំបន់ដែលមិនមានប្រជាជនរស់នៅ ។
ទន្ទឹមនោះការអះអាងរបស់ទីប្រឹក្សារូបនេះបានកើតឡើងតែប៉ុន្មានថ្ងៃប៉ុណ្ណោះ បន្ទាប់ពីលោកប្រធានាធិបតី Joe Biden បានបង្ហើបប្រាប់ពីគោលបំណងរបស់សហរដ្ឋអាមេរិកចំពោះការបញ្ជូនគ្រាប់បែកចង្កោមទៅឲ្យរដ្ឋាភិបាលទីក្រុងកៀវ ។
លោក បៃដិន បានបញ្ជាក់ថា សហរដ្ឋអាមេរិកបានសម្រេចចិត្តផ្ដល់គ្រាប់បែកចង្កោមទៅឲ្យអ៊ុយក្រែន ដោយសារតែទាំងរដ្ឋាភិបាលទីក្រុងវ៉ាស៊ីនតោន និងទីក្រុងកៀវកំពុងអស់គ្រាប់ធម្មតាហើយ ដូច្នេះមានតែគ្រាប់បែកប្រភេទនេះប៉ុណ្ណោះដែលជាជម្រើសដ៏ល្អ ម្យ៉ាងទៀតព្រោះតែសង្គ្រាមនៅអ៊ុយក្រែន គឺជាសង្គ្រាមដែលទាក់ទងនឹងគ្រាប់បែក ។
គួរបញ្ជាក់ថា កាលពីថ្ងៃសុក្រ សហរដ្ឋអាមេរិកបានប្រកាសជាផ្លូវការ នឹងផ្ដល់គ្រាប់បែកចង្កោមដែលជាអាវុធត្រូវបានហាមឃាត់នៅក្នុងប្រទេសជាង ១០០ ទៅឲ្យអ៊ុយក្រែន ខណៈក្នុងសេចក្តីប្រកាសនោះ មិនបានបញ្ជាក់ពីចំនួនគ្រាប់ពិតប្រាកដដែលត្រូវផ្តល់ឲ្យរដ្ឋាភិបាលទីក្រុងកៀវនោះទេ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ លោក បៃដិន ប្រាប់មូលហេតុដែល អាមេរិក សម្រេចបញ្ជូនគ្រាប់បែកចង្កោមទៅឲ្យ អ៊ុយក្រែន
-
ព័ត៌មានជាតិ១ សប្តាហ៍ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានអន្ដរជាតិ៥ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៥ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានជាតិ១ សប្តាហ៍ ago
រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ
-
ព័ត៌មានជាតិ២ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៥ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា