ព័ត៌មានអន្ដរជាតិ
ចាក់សម្លាប់មនុស្ស ៦ នាក់ក្នុងសាលាមត្តេយ្យនៅភាគខាងត្បូង ចិន
យោងតាមមន្ត្រីម្នាក់បាននិយាយថា មនុស្សចំនួន ៦ នាក់ រួមទាំងកុមារ ៣ នាក់ផងដែរត្រូវបានចាក់សម្លាប់នៅសាលាមត្តេយ្យមួយកន្លែងនៅទីក្រុង Lianjiang ក្នុងខេត្ត Guangdong ភាគខាងត្បូងប្រទេសចិន ខណៈប៉ូលិសចាត់ទុកករណីនេះថាជា ការវាយប្រហារគិតទុកជាមុន ។
អ្នកនាំពាក្យរបស់រដ្ឋបាលទីក្រុងបានប្រាប់ទីភ្នាក់ងារព័ត៌មាន AFP ថា “ជនរងគ្រោះទាំង ៦ នាក់រួមមានគ្រូបង្រៀនម្នាក់ ឪពុកម្តាយ ២ នាក់ និងសិស្សសាលា ៣ នាក់ ខណៈជនសង្ស័យឈ្មោះ Wu វ័យ ២៥ ឆ្នាំក៏ត្រូវបានចាប់ខ្លួនផងដែរនៅ ២០ នាទីក្រោយមក” ។
ពាក់ព័ន្ធនឹងឧបទ្ទវហេតុនេះដែរ កំពុងផ្ទុះខ្លាំងមែនទែននៅលើវេទិកាប្រព័ន្ធផ្សព្វផ្សាយសង្គម Weibo ដោយមានអ្នកចូលមើលរហូតដល់ ១៣០ លានដងគិតត្រឹមម៉ោង ១២ និង ២០ នាទីថ្ងៃត្រង់នេះ ប៉ុន្តែទោះបីជាយ៉ាងណាក៏ដោយ វីដេអូដែលត្រូវបានថតដោយអ្នកដំណើរបង្ហាញពីទិដ្ឋភាពនៃឧក្រិដ្ឋកម្មនេះ ត្រូវបានលុបចេញពី Weibo និងវេទិកាចែករំលែក Douyin ផងដែរ ។
ក្នុងរយៈពេលប៉ុន្មានឆ្នាំចុងក្រោយនេះ ប្រទេសចិនមានករណីវាយប្រហារដោយកាំបិតកើតឡើងច្រើនគួរឲ្យកត់សម្គាល់នៅតាមសាលារៀន បើទោះបីជាមានការខិតខំប្រឹងប្រែងរបស់រដ្ឋាភិបាលដើម្បីពង្រឹងសន្តិសុខក៏ដោយ ។
កាលពីខែសីហាកន្លងទៅ មនុស្ស ៣ នាក់ត្រូវបានសម្លាប់ បន្ទាប់ពីការវាយប្រហារនៅខេត្ត Jiangxi ភាគខាងត្បូងដែលបានកំណត់គោលដៅលើសាលាបណ្តុះបណ្ដាលកុមារមួយកន្លែង ខណៈនៅក្នុងខែមេសា ឆ្នាំ២០២១ កុមារ ២ នាក់បានស្លាប់ និង ១៦ នាក់ផ្សេងទៀតបានរងរបួស នៅពេលដែលបុរសម្នាក់កាន់កាំបិតដើរចូលសាលាមត្តេយ្យមួយនៅភាគខាងត្បូងប្រទេសចិន ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
-
សេដ្ឋកិច្ច៧ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៧ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៦ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៧ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ៣ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ