ព័ត៌មានអន្ដរជាតិ

មិនទាន់បានមួយសប្ដាហ៍ផង Threads កើនគណនីប្រើប្រាស់ដល់ ១០០ លាននាក់

បានផុស

២ years មុន

នៅ

ថ្ងៃអង្គារ ១១ កក្កដា ២០២៣

ដោយ

មិនទាន់បានមួយសប្ដាហ៍ផង កម្មវីធីថ្មីរបស់ក្រុមហ៊ុន Meta គឺ Threads បានទាក់ទាញប្រិយមិត្តអ្នកចូលចិត្តលេងបណ្តាញសង្គម កើនឡើងដល់ចំនួនជាង ១០០ លានគណនីហើយគិតត្រឹមថ្ងៃចន្ទ ទី១១ ខែកក្កដា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងបញ្ហានេះដែរ នាយកប្រតិបត្តិលោក Mark Zuckerberg បានសរសេរបង្ហោះលើ App Threads ថា “វាមិនគួរជឿឡើយដែលត្រឹមពេល ៥ ថ្ងៃប៉ុណ្ណោះ App ថ្មីទទួលបានការគាំទ្រច្រើនដល់ ១០០ លាននាក់ ទាំងតែមិនទាន់បានប្រូម៉ូតលើ App ថ្មីម្តងឡើយ” ។

បើយោងតាមរបាយការណ៍ប្រព័ន្ធផ្សព្វផ្សាយសហរដ្ឋអាមេរិកបានឲ្យដឹងថា កម្មវិធី Threads បានឈានដល់កម្រិតអ្នកប្រើប្រាស់ ១០០ លាននាក់លឿនជាងវេទិកាផ្សេងៗទៀតក្នុងប្រវត្តិសាស្ត្រ ដោយបានយកឈ្នះលើ ChatGPT ដែលចាយពេលដល់ទៅ ២ ខែ ។

ចំពោះកម្មវិធី TikTok វិញ បានចំណាយពេល ៩ ខែឯណោះដើម្បីឈានដល់ចំណុចរយលាននាក់បែបនេះ ខណៈដែល Instagram ត្រូវចំណាយពេលជាង ២ ឆ្នាំឯណោះ ។

គួរបញ្ជាក់ថា Threads ជាដៃគូប្រជែងថ្មីរបស់ Twitter ដែលបានបង្ហាញខ្លួនជាផ្លូវការកាលពីថ្ងៃពុធសប្តាហ៍មុន ខណៈវត្តមានកម្មវិធីថ្មីមួយនេះ ក៏ធ្វើឲ្យក្រុមហ៊ុន Twitter មិនពេញចិត្តជាខ្លាំងផងដែរ ដោយសារតែវាមានលក្ខណៈស្រដៀងគ្នាពេក រហូតដល់ថ្នាក់ Elon Musk គំរាមប្តឹងទៀតផង ៕

ប្រែសម្រួល៖ នាង រតនៈ

ប្រភព៖ NHK

ចុចអាន៖ Elon Musk គំរាមប្តឹង Mark Zuckerberg ចំពោះ App Threads