ធ្លាក់ឧទ្ធម្ភាគចក្រដឹកភ្ញៀវទេសចរ ជិតភ្នំ Everest ស្លាប់មនុស្ស ៥នាក់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃអង្គារទី១១ខែកក្កដា មនុស្សចំនួន៥នាក់បានបាត់បង់ជីវិត ខណៈម្នាក់បាត់ខ្លួន បន្ទាប់ពីឧទ្ធម្ភាគចក្រដឹកភ្ញៀវទេសចរបរទេស ធ្លាក់ជិតភ្នំ Everest ក្នុងប្រទេសនេប៉ាល់។

ឧទ្ធម្ភាគចក្របានធ្លាក់នៅតំបន់ Lamajura ហើយក្រុមជួយសង្គ្រោះ បានរកឃើញសាកសពមនុស្ស៥នាក់ ហើយកំពុងស្វែងរកអ្នកទី៦។ នេះបើយោងតាមលោក Basanta Bhattarai ប្រធានរដ្ឋបាលក្នុងតំបន់។

សូមបញ្ជាក់ថា ឧទ្ធម្ភាគចក្រមួយនេះកំពុងធ្វើដំណើរកម្សាន្តទៅកាន់កំពូលភ្នំខ្ពស់បំផុតរបស់ពិភពលោក មុនពេលវិលត្រលប់ទៅរដ្ឋធានី កដ្ឋមណ្ឌូ វិញ ខណៈអ្នកទេសចរ ​ត្រូវ​បាន​គេ​ជឿ​ថា​ជា​ក្រុមគ្រួសារជនជាតិ​ម៉ិកស៊ិក ចំណែក​អ្នក​បើក​ឧទ្ធម្ភាគចក្រ គឺ​ជា​ជនជាតិ​នេប៉ាល់ ។

ស្របពេលជាមួយគ្នានោះ​ មន្ត្រីអាកាសយានដ្ឋាន Sagar Kadel និយាយថា លក្ខខណ្ឌអាកាសធាតុ អាចជាមូលហេតុបណ្តាលឲ្យឧទ្ធម្ភាគចក្រ Manang Air ធ្លាក់នៅភ្នំមួយនេះ ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ វីដេអូ ថតជាប់ ឧទ្ធម្ភាគចក្រ ២គ្រឿងហោះទៅបុកគ្នានៅ អូស្រ្តាលី សម្លាប់មនុស្សច្រើននាក់