មកដឹងតម្លៃទឹកស្អាតក្នុងមួយម៉ែត្រគូបនៅ ទីក្រុងហាណូយ

ទីក្រុងហាណូយបានដំឡើងថ្លៃប្រើប្រាស់ទឹកស្អាតសម្រាប់ក្រុមគ្រួសារដែលរស់នៅក្នុងទីក្រុងដល់ ៣២ សេន (ស្មើនឹង ១,៣០០ រៀល) ក្នុងមួយម៉ែត្រគូប ខណៈនៅឆ្នាំ ២០២៤ តម្លៃអាចនឹងកើនឡើងដល់ ៣៥ សេន (១,៤០០ រៀល) ក្នុងមួយម៉ែត្រគូប ។

ដោយឡែក តម្លៃនៃការប្រើប្រាស់ទឹកស្អាតសម្រាប់ការិយាល័យសាធារណៈនៅឆ្នាំនេះបានកើនឡើងពី ០.៤១ សេន (១,៦៥០ រៀល) ដល់ ៥០ សេន (២,០០០ រៀល) ក្នុងមួយម៉ែត្រគូប ហើយនឹងកើនឡើងដល់ ៥៦ សេន (២,២៥០ រៀល) ក្នុងមួយម៉ែត្រគូបនៅឆ្នាំ ២០២៤ ។

ចំណែកសម្រាប់ការប្រើប្រាស់ទឹកក្នុងឧស្សាហកម្មវិញ ត្រូវបានដំឡើងពី ៤៨ សេន (១,៩៥០ រៀល) ទៅ ៦២ សេន (២,៤៥០ រៀល) ក្នុងមួយម៉ែត្រគូបនៅឆ្នាំនេះ និងដល់ ៦៧ សេន (២,៦៥០ រៀល) ក្នុងមួយម៉ែត្រគូបនៅឆ្នាំក្រោយ ខណៈសម្រាប់អ្នកប្រើប្រាស់ពាណិជ្ជកម្មផ្សេងទៀត បានកើនឡើងពី ៩២ សេន (៣,៦៥០ រៀល) ដល់ ១.១៣ ដុល្លារ (៤,៥០០ រៀល) និង ១.២១ ដុល្លារ (៤,៨៥០ រៀល) ក្នុងមួយម៉ែត្រគូប ។

គួរបញ្ជាក់ថា ក្រោមសេចក្តីសម្រេចដែលទើបចេញដោយគណៈកម្មាធិការប្រជាជនទីក្រុងហាណូយ, ការដំឡើងថ្លៃនេះនឹងត្រូវធ្វើឡើងជា ២ ដំណាក់កាល ដោយដំណាក់កាលទី ១ ចាប់ពីថ្ងៃទី១ ខែកក្កដា រហូតដល់ចុងឆ្នាំ ខណៈដំណាក់កាលទី ២ គឺនឹងធ្វើឡើនៅឆ្នាំក្រោយ ៕

ប្រែសម្រួលដោយ ៖ ជីវ័ន្ត

ប្រភព ៖ VN Express

ចុចអាន ៖ ខេត្តវៀតណាម ជាប់កម្ពុជា រញ្ជួយដី ២៨លើក ត្រឹម៤ថ្ងៃ