ព័ត៌មានអន្ដរជាតិ
ដូណាល់ ត្រាំ ពន្លះ ចូ បៃដិន ចាស់ដៃ រឿងបញ្ជូនគ្រាប់បែកចង្កោមទៅឲ្យ អ៊ុយក្រែន

អតីតប្រធានាធិបតីអាមេរិក លោក ដូណាល់ ត្រាំ កាលពីថ្ងៃអង្គារទី១១ខែកក្កដា បានព្រមានថា រឿងបញ្ជូនគ្រាប់បែកចង្កោមទៅឲ្យអ៊ុយក្រែន, រដ្ឋាភិបាលអាមេរិក កំពុងនាំយើងទាំងអស់គ្នា ឲ្យធ្លាក់ចូលទៅក្នុងសង្គ្រាមលោកលើកទី៣។
លោក ត្រាំ បាននិយាយនៅលើបណ្តាញ “សច្ចធម៌សង្គម” របស់លោកថា “លោកប្រធានាធិបតី ចូ បៃដិន គួរតែព្យាយាមបញ្ចប់សង្គ្រាម ក៏ដូចជាបញ្ឈប់ការស្លាប់ និងការបំផ្លិចបំផ្លាញដ៏គួរឲ្យរន្ធត់ ដែលបណ្តាលមកពីរដ្ឋបាលអសមត្ថភាពរបស់គាត់ល្អជាង”។
ទន្ទឹមនោះ ប្រធានាធិបតីអាមេរិកទី ៤៥ រូបនេះ ក៏បានជំទាស់នឹងការប្រើប្រាស់គ្រាប់បែកចង្កោម លើទីតាំងរបស់មនុស្សរស់នៅផងដែរ ដោយចង្អុលបង្ហាញថា គ្រាប់បែកប្រភេទនេះ នឹងធ្វើឲ្យបុរសនារីអ៊ុយក្រែន រួមទាំងកុមារផងដែរ ត្រូវស្លាប់ និងពិការ ហើយផ្តល់ផលវិបាករយៈពេលច្រើនទសវត្សរ៍ បន្ទាប់ពីសង្គ្រាមត្រូវបញ្ចប់។
លើសពីនេះ លោក ត្រាំ ដែលបច្ចុប្បន្នកំពុងនាំមុខក្នុងការស្ទង់មតិជាបេក្ខជនឈ្នះតំណែងប្រធានាធិបតីសម្រាប់ការបោះឆ្នោតឆ្នាំ២០២៤ បានប្តេជ្ញាថា នឹងនាំមកនូវសន្តិភាព នៅពេលដែលគាត់ត្រលប់ចូលការិយាល័យវិញ។
គួរបញ្ជាក់ជាថ្មី សេតវិមានបានប្រកាសកាលពីសប្តាហ៍មុនថា នឹងបញ្ជូនគ្រាប់បែកចង្កោមប្រភេទ DPICM ទៅឲ្យអ៊ុយក្រែន ខណៈអនុរដ្ឋលេខាធិការក្រសួងការពារជាតិទទួលបន្ទុកផ្នែកគោលនយោបាយលោក Colin Kahl បានប្រាប់អ្នកសារព័ត៌មានថា គ្រោះថ្នាក់បង្កឡើងគ្រាប់បែកនេះ ចំពោះជនស៊ីវិល គឺមិនខ្លាំងណាស់ណានោះទេ ព្រោះថា បើរុស្ស៊ីទទួលបានជ័យជម្នះក្នុងជម្លោះ នោះគ្រោះថ្នាក់នឹងខ្លាំងជាងនេះទៅទៀត ។
យ៉ាងណាមិញ រដ្ឋមន្រ្តីក្រសួងការពារជាតិរុស្ស៊ី លោក Sergey Shoigu បានអះអាងកាលពីថ្ងៃអង្គារថា ប្រសិនបើគ្រាប់បែកចង្កោមរបស់អាមេរិក មកដល់ដីអ៊ុយក្រែនមែននោះ យោធារុស្ស៊ីនឹងឆ្លើយតបដោយមានអាវុធដែលខ្លាំងជាងនេះ៕
ប្រែសម្រួល៖ Vann Vann
ប្រភព៖ RT
ចុចអាន៖ អាមេរិក ថា ការផ្ដល់គ្រាប់បែកចង្កោមទៅឲ្យ អ៊ុយក្រែន នឹងមិនបង្កការ ប្រេះឆាគ្នាក្នុងសម្ព័ន្ធមិត្តណាតូឡើយ

-
ព័ត៌មានអន្ដរជាតិ២៤ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២២ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៣ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ