ព័ត៌មានអន្ដរជាតិ

ដឹងទេ ជាង ៦ ខែមកនេះ កូរ៉េខាងជើង បាញ់មីស៊ីលប៉ុន្មានលើកហើយ

បានផុស

២ years មុន

នៅ

ថ្ងៃព្រហស្បតិ៍ ១៣ កក្កដា ២០២៣

ដោយ

កូរ៉េខាងជើងបានបាញ់មីស៊ីលបាលីស្ទិកមួយគ្រាប់កាលពីថ្ងៃពុធឆ្ពោះទៅសមុទ្រជប៉ុន ហើយវាក៏ជាលើកទី ១២ ផងដែរក្នុងរយៈពេលជាង ៦ ខែនៅឆ្នាំនេះ ដែលរដ្ឋាភិបាលទីក្រុងព្យុងយ៉ាងបានបាញ់មីស៊ីល ខណៈការបាញ់លើកចុងក្រោយគឺកើតឡើងនៅថ្ងៃទី១៥ ខែមិថុនា ។

ចន្លោះខែមករាដល់ខែមីនា កូរ៉េខាងជើងបានបាញ់មីស៊ីលប្រភេទ Hwasong-15 និង Hwasong-17 ក៏ដូចជាមីស៊ីលផ្លោងរយៈចម្ងាយខ្លី ខណៈកាលពីខែមេសា កូរ៉េខាងជើងក៏បានធ្វើការបាញ់សាកល្បងជាលើកដំបូងនូវមីស៊ីលផ្លោងអន្តរទ្វីបប្រភេទថ្មីគឺ Hwasong-18 ជាមីស៊ីលប្រើឥន្ធនៈរឹង ដែលអាចបាញ់បានលឿនជាង បើធៀបនឹងឥន្ធនៈរាវ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបាញ់មីស៊ីលជាបន្តបន្ទាប់ទៀត ក្រោយពេលដែលទីក្រុងព្យុងយ៉ាងបានព្យាយាមបាញ់បង្ហោះផ្កាយរណបចារកម្មយោធាដំបូងរបស់ខ្លួននៅខែឧសភា ប៉ុន្តែដោយសារតែការប៉ុនប៉ងនោះត្រូវបរាជ័យ ទើបធ្វើឲ្យកូរ៉េខាងជើងបានបាញ់មីស៊ីលផ្លោងរយៈចម្ងាយខ្លីចំនួន ២ គ្រាប់ទៀតក្នុងខែមិថុនា ។

ទន្ទឹមនោះ ការបាញ់ផ្លោងមីស៊ីលកាលពីពេលថ្មីៗនេះក៏កើតឡើង ក្រោយយន្តហោះឈ្លបយកការណ៍របស់សហរដ្ឋអាមេរិក បានហោះបំពានដោយខុសច្បាប់ចូលទៅក្នុងតំបន់សេដ្ឋកិច្ចដែនសមុទ្ររបស់ប្រទេសនេះចំនួន ៨ ដងកាលពីថ្ងៃចន្ទ ៕