ព័ត៌មានអន្ដរជាតិ
សមាជិកណាតូ ស្តីឲ្យអ៊ុយក្រែន ថា ពេលសុំអាវុធគេ ត្រូវចេះគួរសមបន្តិច ហើយដឹងគុណខ្លះផង
![](https://www.kampucheathmey.com/wp-content/uploads/2023/07/image-459.png)
លោក Ben Wallace រដ្ឋមន្ត្រីការពារជាតិអង់គ្លេស ដែលជាសមាជិកអង្គការណាតូ បានលើកឡើងថា អ៊ុយក្រែន ត្រូវចេះគួរសមបន្តិច នៅពេលនិយាយទៅកាន់ប្រទេសទាំងឡាយ ដែលកំពុងតែបំពាក់អាវុធដល់ខ្លួន ដើម្បីប្រយុទ្ធជាមួយរុស្ស៊ី ជាពិសេសលោកបញ្ជាក់ថា “យើងមិនមែនជាហាង Amazon ទេ”។
ការកត់សម្គាល់នេះ ធ្វើឡើង ក្នុងអំឡុងព្រឹត្តិការណ៍មួយនៅខាងក្រៅកិច្ចប្រជុំកំពូលអង្គការណាតូ ក្នុងប្រទេសលីទុយអានី កាលពីថ្ងៃពុធ ទី១២ ខែកក្កដា ដោយលោក Wallace និយាយថា អ៊ុយក្រែន គួរតែដឹងគុណគេខ្លះផង ។
លោក Wallace លើកឡើងថា “ពេលខ្លះអ្នកកំពុងស្នើសុំឲ្យប្រទេសនានា បោះបង់ស្តុករបស់ពួកគេ។ ពេលខ្លះអ្នកត្រូវបញ្ចុះបញ្ចូលសមាជិកសភានៅ Capitol Hill សហរដ្ឋអាមេរិក ។ អ្នកត្រូវបញ្ចុះបញ្ចូលអ្នកនយោបាយ នៅក្នុងប្រទេសផ្សេងដែលគិតថា ស័ក្តិសម”។
ទន្ទឹមនោះ លោកក៏បានឮការត្អូញត្អែរពីសមភាគីអាមេរិកថា អ៊ុយក្រែន កំពុងធ្វើដាក់ប្រទេសរបស់ពួកគេដូចជាហាង Amazon បើទោះបីជា ពួកគេផ្តល់ជំនួយយោធារាប់ពាន់លានដុល្លារក៏ដោយ។
ចំណែក ទីប្រឹក្សាសន្តិសុខជាតិរបស់សហរដ្ឋអាមេរិក លោក Jake Sullivan បានធ្វើការកត់សម្គាល់ជាសាធារណៈស្រដៀងគ្នានេះ នៅក្នុងប្រទេសលីទុយអានី ថា “អាមេរិក សមនឹងទទួលបានការដឹងគុណមួយកម្រិត សម្រាប់ឆន្ទៈក្នុងការបង្កើនជំនួយដល់អ៊ុយក្រែន ក៏ដូចជាពីពិភពលោកទាំងមូល”។
ពាក់ព័ន្ធនឹងបញ្ហានេះ មន្ត្រីអ៊ុយក្រែន រួមទាំងលោកប្រធានាធិបតី វ្ល៉ាឌីមៀរ ហ្សេលេនស្គី ផងដែរនោះ បានរិះគន់សហរដ្ឋអាមេរិក និងសម្ព័ន្ធមិត្តរបស់ខ្លួន ចំពោះការគាំទ្រមិនគ្រប់គ្រាន់ ក៏ដូចជាការផ្តល់ជំនួយយឺតពេលពេកផងដែរ ។ មេដឹកនាំអ៊ុយក្រែន បានលើកឡើងពីភាពយឺតយ៉ាវនេះ ថាជាហេតុផលសំខាន់សម្រាប់លទ្ធផលមិនសូវល្អ ពីការវាយលុករបស់ទីក្រុងកៀវ កាលពីខែមុន។
គួរបញ្ជាក់ថា កំហឹងចុងក្រោយបំផុតពីលោក ហ្សេលេនស្គី បានកើតឡើងក្នុងអំឡុងកិច្ចប្រជុំកំពូលរបស់ណាតូ ខណៈដែលមេដឹកនាំសម្ព័ន្ធភាពនេះ មិនបានផ្តល់ផែនទីបង្ហាញផ្លូវ សម្រាប់សមាជិកភាពរបស់អ៊ុយក្រែននោះទេ ដោយលើកឡើងពីហេតុផលថា ប្រទេសនេះនឹងនៅតែត្រូវបំពេញលក្ខខណ្ឌមួយចំនួនជាមុនសិន៕
ប្រែសម្រួល៖ Vann Vann
ប្រភព៖ RT
ចុចអាន៖ ថ្ងៃ ណាតូ ប្រជុំ, រុស្ស៊ី ព្រមានផ្ទុះសង្គ្រាមលោកលើកទី៣
![](https://kampucheathmey.com/wp-content/uploads/2020/12/1-01-2-01-1.png)
-
ជីវិតកម្សាន្ដ៤ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ចរាចរណ៍៣ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សេចក្ដីជូនដំណឹង៤ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
សន្តិសុខសង្គម៦ ម៉ោង ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
ព័ត៌មានជាតិ១ សប្តាហ៍ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន
-
ព័ត៌មានអន្ដរជាតិ៤ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់
-
សន្តិសុខសង្គម១ សប្តាហ៍ ago
ស្នងការខេត្តកំពត ប្រកាសផ្ដល់ប្រាក់១លានរៀលដល់សាធារណជនណាដែលស្គាល់អត្តសញ្ញាណបុរសម្នាក់ឈរនោមនៅរូបសំណាកសេះសមុទ្រ
-
ព័ត៌មានអន្ដរជាតិ៣ ថ្ងៃ ago
លោក គីម កាត់ទោសប្រហារជីវិតមន្ត្រី៣០នាក់ ព្រោះទឹកជំនន់នៅកូរ៉េខាងជើង