Connect with us

ព័ត៌មានអន្ដរជាតិ

រលកកម្តៅ កំពុងវាយលុកពាសពេញ ភាគខាងត្បូងទ្វីបអ៊ឺរ៉ុប

បានផុស

នៅ

(រូបថត៖ Reuters)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រលកកម្តៅ កំពុងវាយលុកពាសពេញទ្វីបអឺរ៉ុបភាគខាងត្បូង និងទ្វីបអាហ្រ្វិកភាគពាយព្យ ខណៈក្នុងរយៈពេលប៉ុន្មានថ្ងៃខាងមុខនេះ សីតុណ្ហភាពនឹងឡើងដល់កម្រិតបំបែកកំណត់ត្រា។

សីតុណ្ហភាព ត្រូវបានគេរំពឹងថានឹងកើនលើស៤០អង្សាសេ នៅតំបន់ខ្លះនៃប្រទេសអេស្ប៉ាញ បារាំង ក្រិក ក្រូអាត និងតួកគី។

នៅអ៊ីតាលី សីតុណ្ហភាពអាចឡើងដល់៤៨.៨អង្សាសេ ហើយអាជ្ញាធរ​ បានចេញការ​ព្រមាន​ពណ៌​ក្រហមសម្រាប់​ទីក្រុង​ចំនួន១០ រួមទាំង Florence និង Rome ផងដែរ ខណៈអ្នកទេសចរជាច្រើននៅក្នុងប្រទេសនេះ បានដួលសន្លប់ដោយសារតែកម្តៅក្តៅខ្លាំង។

រលកកម្តៅនេះ ត្រូវបានសមាគមឧតុនិយមអ៊ីតាលី ដាក់ឈ្មោះឲ្យថា Cerberus ដែលជាសត្វចម្លែកក្បាលបី យាមទ្វារនរកនៅក្នុងរឿងព្រេងអ៊ីតាលី។

ស្របពេលជាមួយគ្នានោះ ការិយាល័យឧតុនិយមអង់គ្លេស និយាយថា សីតុណ្ហភាពនឹងឡើងដល់ចំណុចកំពូលនៅថ្ងៃសុក្រ ហើយ BBC Weather ព្រមានថា ផ្នែកដ៏ធំនៃតំបន់អឺរ៉ុបខាងត្បូង អាចជួបប្រទះសីតុណ្ហភាព ខ្ពស់ជាង៤០អង្សាសេ។

គួរបញ្ជាក់ថា សីតុណ្ហភាពក្តៅបំផុតក្នុងប្រវត្តិសាស្រ្តអឺរ៉ុបគឺ ៤៨.៨អង្សាសេ ត្រូវបានកត់ត្រានៅជិតទីក្រុង Syracuse លើកោះ Sicily នៃអ៊ីតាលីក្នុងខែសីហាឆ្នាំ២០២១ ខណៈកាលពីឆ្នាំមុនមនុស្សជាង ៦ ម៉ឺននាក់បានស្លាប់នៅអឺរ៉ុប ដោយសារកម្តៅ ហើយការ​ភ័យ​ខ្លាច​គឺ​ថា ​រលក​កម្ដៅ​​អាច​បណ្ដាល​ឲ្យ​មនុស្ស​ស្លាប់​ជា​ច្រើន​នាក់​ទៀត ​ក្នុង​រដូវ​ក្ដៅ​នេះ ៕

ប្រែសម្រួល៖ Vann Vann

ប្រភព៖ BBC

ចុចអាន៖ WHO ព្រមានថា ប៉ុន្មានខែខាងមុខ ទឹកជំនន់ ព្យុះសង្ឃរា រលកកម្តៅកាន់តែសាហាវ នឹងវាយប្រហារពិភពលោក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៦ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១៣ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ១៩ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ១១ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១២ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម