កូរ៉េខាងត្បូងហាមឃាត់ការនាំចូលសត្វបក្សីពីប្រទេសហុល្លង់ បន្ទាប់ពីផ្ទុះជំងឺផ្តាសាយបក្សី

ប្រទេសកូរ៉េខាងត្បូងកាលពីថ្ងៃសុក្របានហាមឃាត់ការនាំចូលសត្វបក្សីពីប្រទេសហុល្លង់ បន្ទាប់ពីជំងឺផ្តាសាយបក្សីត្រូវបានរកឃើញនៅក្នុងប្រទេស ។

រដ្ឋាភិបាលហុល្លង់បានប្រកាសកាលពីថ្ងៃព្រហស្បតិ៍ថា សត្វមាន់នៅកសិដ្ឋានមួយកន្លែងនៅភាគកណ្តាលខេត្ត Gelderland បានឆ្លងជំងឺផ្តាសាយបក្សី (AI) ។

ក្រសួងកសិកម្មកូរ៉េខាងត្បូងបាននិយាយថា ខ្លួនបានដាក់បម្រាមលើការនាំចូលផលិតផលបសុបក្សី និងសត្វបក្សីទាំងអស់ពីប្រទេសហុល្លង់ ។

ក្រសួងបានបន្ថែមទៀតថា ខ្លួននឹងពង្រឹងការត្រួតពិនិត្យសត្វស្លាប នៅតាមព្រំដែននៅពេលមានការរីករាលដាលនៃជំងឺផ្តាសាយបក្សី (AI) ត្រូវបានគេរាយការណ៍មកពីប្រទេសចិន តៃវ៉ាន់ និងបណ្តាប្រទេសអឺរ៉ុបមួយចំនួន ។

ទន្ទឹមនោះប្រទេសកូរ៉េខាងត្បូងក៏បានបញ្ជាក់ពីការឆ្លងចំនួនពីរករណីនៃជំងឺផ្តាសាយបក្សី H5N8 ក្នុងចំណោមបក្សីព្រៃនៅតាមទីរួមខេត្តនានាក្នុងសប្តាហ៍នេះផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ YONHAP

ចុចអាន ៖ តុលាការសម្រេចផ្ដន្ទាទោសអតីតប្រធានាធិបតីកូរ៉េខាងត្បូងមួយរូបទៀតជាប់ពន្ធនាគាររយៈពេល ១៧ ឆ្នាំ

ចុចអាន ៖ កូរ៉េខាងត្បូងបន្តកម្មវិធីចាក់វ៉ាក់សាំងផ្តាសាយ ទោះចំនួនអ្នកស្លាប់កើនឡើងក៏ដោយ