ព័ត៌មានអន្ដរជាតិ
សហរដ្ឋអាមេរិក កំពុងរងទុក្ខខ្លាំង ព្រោះត្រូវជួបគ្រោះទឹកជំនន់ផង និងរលកកម្តៅផង
សហរដ្ឋអាមេរិក បានចេញការព្រមានអំពីរលកកម្តៅខ្លាំងនៅទូទាំងរដ្ឋភាគនិរតី ទៅដល់រដ្ឋ Washington ខណៈសីតុណ្ហភាព ត្រូវបានគេរំពឹងថា នឹងកើនឡើងខ្ពស់។
តាមការព្រមាន, រលកកម្តៅនឹងជះឥទ្ធិពលដល់ជនជាតិអាមេរិកយ៉ាងតិច៩៣លាននាក់ រាប់ចាប់ពីរដ្ឋ Florida, Texas ទៅដល់ California។
ស្របពេលជាមួយគ្នានោះ សេវាអាកាសធាតុជាតិ បានព្រមានថា រលកកម្ដៅខ្លាំងនៅខែកក្កដា អាចនឹងមានគ្រោះថ្នាក់បំផុត ដោយសីតុណ្ហភាព នឹងឡើងដល់៤៣អង្សាសេ ក្នុងរយៈពេលប៉ុន្មានថ្ងៃខាងមុខ ហើយអាចឈានដល់ ៤៦អង្សាសេ នៅសប្តាហ៍ក្រោយ។
រលកកម្តៅនេះ កើតឡើងជិតមួយសប្តាហ៍ បន្ទាប់ពីភាគឦសានសហរដ្ឋអាមេរិក រងគ្រោះដោយសារភ្លៀងធ្លាក់យ៉ាងធ្ងន់ធ្ងរ ដែលអ្នកឧតុនិយមចាត់ទុកថា ជា “ព្រឹត្តិការណ៍ភ្លៀងធ្លាក់ខ្លាំង កើតឡើងតែម្តងគត់ក្នុងរយៈពេល១០០០ឆ្នាំ”។
ពេលនោះ ទីភ្នាក់ងារអាកាសធាតុជាតិ និយាយថា ប្រជាជនអាមេរិកជាង ១៣ លាននាក់ ត្រូវរងគ្រោះ ហើយមានការព្រមានចាប់ពីរដ្ឋ New York នៅភាគខាងកើត រហូតដល់ទីក្រុង Boston និងរដ្ឋ Maine នៅភាគឦសាន។
ទីភ្នាក់ងារព្យាករណ៍ឯកជន AccuWeather ក៏បានប៉ាន់ប្រមាណពីការខូចខាត និងការខាតបង់សេដ្ឋកិច្ចជាបឋម ចន្លោះពី ៣ ពាន់លានទៅ ៥ ពាន់លានដុល្លារអាមេរិក ផងដែរ។
ដោយឡែក ជើងហោះហើរជាង ១,០០០ ទាំងទៅ និងមកអាកាសយានដ្ឋានទូទាំងតំបន់ ត្រូវបានពន្យារពេល ឬលុបចោលតែម្តង ដោយសារភ្លៀងធ្លាក់ខ្លាំងពេក៕
ប្រែសម្រួល៖ Vann Vann
ប្រភព៖ RT, BBC
ចុចអាន៖ ភ្លៀងធ្លាក់ខ្លាំង ១ ពាន់ឆ្នាំម្តង ជន់លិចភាគឦសានសហរដ្ឋអាមេរិក មនុស្សជាង ១៣ លាននាក់ ត្រូវរងគ្រោះ
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ៧ ថ្ងៃ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា