រុស្ស៊ី ចោទអាមេរិក និងអង់គ្លេស ថា កំពុងគ្រប់គ្រង “របបភេរវកម្ម” នៅអ៊ុយក្រែន

ក្រសួងការបរទេសរុស្ស៊ីបានអះអាងថា សហរដ្ឋអាមេរិក និងចក្រភពអង់គ្លេស គឺជាអ្នកទទួលខុសត្រូវចំពោះការវាយប្រហារចុងក្រោយបំផុតលើស្ពាន គ្រីមៀ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះ ទីក្រុងមូស្គូបានចោទប្រកាន់អ៊ុយក្រែនថា ជាអ្នកនៅពីក្រោយឧប្បត្តិហេតុកាលពីព្រឹកថ្ងៃចន្ទទី១៧ខែកក្កដា ដែលបណ្តាលឲ្យជនស៊ីវិលពីរនាក់ បាត់បង់ជីវិត និងរំខានដល់ការដឹកជញ្ជូនដ៏សំខាន់រវាងឧបទ្វីបនេះ ទៅរុស្ស៊ីដីគោក។

ក្រសួងបាននិយាយនៅលើប្រព័ន្ធផ្សព្វផ្សាយសង្គមថា “របបនៃរដ្ឋាភិបាលអ៊ុយក្រែន គឺជាភេរវករ ហើយមានសញ្ញានៃក្រុមឧក្រិដ្ឋកម្មអន្តរជាតិ។ មន្ត្រី និងបុគ្គលិកយោធាអ៊ុយក្រែន បានទទួលបញ្ជាដោយផ្ទាល់ ពីសេវាកម្មពិសេស និងអ្នកនយោបាយអាមេរិក និងអង់គ្លេស។ សហរដ្ឋអាមេរិក និងអង់គ្លេស កំពុងគ្រប់គ្រងរចនាសម្ព័ន្ធភេរវករនេះ”។

ប្រព័ន្ធផ្សព្វផ្សាយបានរាយការណ៍ថា ស្ពាន គ្រីមៀ ត្រូវខូចខាតនៅក្នុងប្រតិបត្តិការពិសេស ដែលធ្វើឡើងរួមគ្នាដោយសេវាសន្តិសុខរបស់ប្រទេសអ៊ុយក្រែន (SBU) និងកងកម្លាំងជើងទឹក។

យោងតាមប្រភពមួយ, ហេដ្ឋារចនាសម្ព័ន្ធសំខាន់ដែលតភ្ជាប់ឧបទ្វីបជាមួយរុស្ស៊ីដីគោក ត្រូវបានវាយប្រហារដោយយន្តហោះគ្មានមនុស្សបើក ជាច្រើនគ្រឿង៕

ប្រែសម្រួល៖ Vann Vann

ប្រភព៖ RT

ចុចអាន៖ កាសែតអាមេរិក៖ អ៊ុយក្រែន បាត់បង់សព្វាវុធរហូតដល់២០% ត្រឹម២សប្តាហ៍ដំបូង នៃការវាយបកទៅ រុស្ស៊ី