ព័ត៌មានអន្ដរជាតិ

បេក្ខជនមួយរូប ខាងគណបក្សភឿថៃ ប្រកាសត្រៀមខ្លួនធ្វើជា នាយករដ្ឋមន្ត្រី

បានផុស

២ years មុន

នៅ

ថ្ងៃអង្គារ ១៨ កក្កដា ២០២៣

ដោយ

លោក Srettha Thavisin ដែលជាបេក្ខភាពនាយករដ្ឋមន្ត្រីមួយរូប ក្នុងចំណោមបេក្ខភាពទាំងបីរបស់គណបក្សភឿថៃ បានប្រកាសថា គាត់បានត្រៀមខ្លួនរួចជាស្រេចដើម្បីក្លាយជានាយករដ្ឋមន្ត្រី ប្រសិនបើគាត់ឈ្នះការជឿទុកចិត្តពីគណបក្សភឿថៃ ឲ្យកាន់តំណែងកំពូល។

លោក Srettha Thavisin (រូបថត៖ Bangkok Post)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Srettha បានឆ្លើយតបបែបនេះ ទៅនឹងសំណួរអ្នកកាសែត ចំពេលមានពាក្យចចាមអារ៉ាមថា គាត់នឹងត្រូវបានតែងតាំងសម្រាប់ការបោះឆ្នោតជ្រើសរើសជានាយករដ្ឋមន្ត្រីថ្មី ជំនួសលោក Pita Limjaroenrat ខាងគណបក្សចលនាឆ្ពោះទៅមុខ។

លោក Srettha និយាយថា “នៅគណបក្សភឿថៃ យើងបានពិភាក្សាគ្នាលើបញ្ហានេះអស់រយៈពេលបួនខែមកហើយ ប្រសិនបើខ្ញុំមិនទាន់ត្រៀមខ្លួនរួចរាល់សម្រាប់ការងារនេះទេ ខ្ញុំនឹងមិនជាប់ឈ្មោះជាបេក្ខជននាយករដ្ឋមន្ត្រីមួយរូប ក្នុងចំណោមបេក្ខភាពទាំងបីឡើយ”។

ទោះបីជាយ៉ាងណាក៏ដោយ លោកថា បញ្ហាសំខាន់ជាងនេះ គឺត្រូវពន្លឿនការបង្កើតរដ្ឋាភិបាលចម្រុះថ្មី និងវិធានការជំរុញសេដ្ឋកិច្ច។ មនុស្សជាច្រើនពិតជាមានបញ្ហា ដោយសារសេដ្ឋកិច្ចធ្លាក់ចុះ ហើយទំនួលខុសត្រូវចម្បងរបស់គណបក្សភឿថៃ គឺត្រូវយកចិត្តទុកដាក់លើបញ្ហាបន្ទាន់នេះ។

យោងតាមប្រភពពីគណបក្សភឿថៃបានឲ្យដឹងថា ក្នុងករណីដែលលោក Pita មិនអាចត្រូវបានតែងតាំងជាថ្មី សម្រាប់ការបោះឆ្នោតជ្រើសរើសនាយករដ្ឋមន្ត្រី ឬបរាជ័យក្នុងការទទួលបានសំឡេងគ្រប់គ្រាន់នៅសភា គណបក្សភឿថៃ នឹងស្នើជាមុនឲ្យពន្យារការបោះឆ្នោតរហូតដល់សប្តាហ៍ក្រោយ ហើយនៅពេលនោះ បក្សនឹងតែងតាំងលោក Srettha ជាបេក្ខជននាយករដ្ឋមន្ត្រីផ្លូវការតែម្តង៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ អ្នកគាំទ្រលោក Pita ចេញក្បួនតវ៉ា ទាមទារឲ្យសមាជិកព្រឹទ្ធសភា លាលែងតំណែង