ធនាគារធំទី ៤ របស់ ថៃ​ ចាប់ផ្តើមរឹតបន្តឹងលើការផ្ដល់ប្រាក់កម្ចី

ធនាគារ Siam Commercial Bank (SCB) ដែលជាធនាគារផ្តល់ប្រាក់កម្ចីធំជាងគេទី ៤ របស់ថៃ ចាប់ផ្តើមរឹតបន្តឹងលើការផ្តល់ប្រាក់កម្ចីថ្មី ដើម្បីគ្រប់គ្រងគុណភាពទ្រព្យសកម្ម ចំពេលមានហានិភ័យខ្ពស់ ស្របពេលដែលសេដ្ឋកិច្ចពិភពលោក និងចិន កំពុងតែមានកំណើនយឺតខុសពីការរំពឹងទុកផង ។

ស្របពេលបំណុលគ្រួសារ​របស់ប្រជាពលរដ្ឋថៃ កំពុងតែមានកំណើនខ្ពស់ដូចគ្នាផងដែរនោះ លោក Kris Chantanotoke នាយកប្រតិបត្តិរបស់ SCB យល់ថា ដោយសារតែស្ថានភាពមិនសូវជាល្អប្រសើរ ដូចនេះខាងធនាគារត្រូវតែ​រឹតបន្តឹងលើការផ្តល់ប្រាក់កម្ចីថ្មី ដើម្បីគ្រប់គ្រងគុណភាពទ្រព្យសកម្មរបស់ខ្លួន ។

ប៉ូន្តែលោកយល់ថា ធនាគារអាចបង្កើនប្រាក់កម្ចីក្នុងកំណើនកម្រិតទាបបាន ជាជាងកំណើនមធ្យមសម្រាប់ពេញមួយឆ្នាំ ស្របតាមវិធីសាស្ត្ររឹតបន្តឹងលើការគ្រប់គ្រងហានិភ័យ ។ ប៉ុន្តែទោះជាយ៉ាងណាក៏ដោយ ធនាគារបញ្ជាក់ថា អតិថិជនភាគច្រើននៅតែអាចសងបំណុលរបស់ពួកគេបានជាធម្មតា ។

សូមបញ្ជាក់ថា បច្ចុប្បន្ន បំណុលគ្រួសាររបស់ប្រជាជនថៃ បានកើនឡើងដល់ជាង ៤៦៨ ពាន់លានដុល្លារ ដែលស្មើនឹង ៩០.៦ ភាគរយនៃផលិតផលក្នុងស្រុកសរុប (GDP) ៕

ប្រែសម្រួល៖ នាង រតនៈ

ប្រភព៖ Bangkok Posts

ចុចអាន៖ ថៃ ក្លាយជាប្រទេសនាំចេញត្រីខកំប៉ុងលំដាប់លេខ ២ លើលោក និងកំពូលនៅអាស៊ាន