នូវែលសេឡង់ កើតហេតុ បាញ់ប្រហារសម្លាប់មនុស្ស ប៉ុន្មានម៉ោង មុនព្រឹត្តិការណ៍ World Cup ផ្នែកនារី ចាប់ផ្តើម

មនុស្ស ២ នាក់បានស្លាប់ក្នុងការបាញ់ប្រហារនៅកណ្តាលទីក្រុង Auckland នៃប្រទេសនូវែលសេឡង់ ពោលគឺប៉ុន្មានម៉ោងប៉ុណ្ណោះ មុនពេលទីក្រុងនេះ នឹងត្រូវបើកការប្រកួតបាល់ទាត់ FIFA World Cup ផ្នែកនារី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្ស៦នាក់ផ្សេងទៀត រួមទាំងមន្ត្រីប៉ូលិសផងដែរបានរងរបួស ហើយខ្មាន់កាំភ្លើងក៏បាត់បង់ជីវិតផងដែរ បន្ទាប់ពីឧប្បត្តិហេតុនាម៉ោង ០៧ និង ២២ នាទីព្រឹក (ម៉ោងនៅនូវែលសេឡង់) នៅឯការដ្ឋានសំណង់មួយកន្លែងក្នុងសង្កាត់ពាណិជ្ជកម្មកណ្តាលទីក្រុង Auckland ។

ទោះបីជាយ៉ាងណាក៏ដោយ នាយករដ្ឋមន្ត្រី Chris Hipkins និយាយថា ការវាយប្រហារនេះ ​មិនចាត់ទុកថាជាអំពើភេរវកម្ម ឬជាប់ទាក់ទងនឹងហេតុផលនយោបាយ ក៏ដូចជាមនោគមវិជ្ជាអ្វីឡើយ ហើយការ​ប្រកួតបាល់ទាត់ ​នឹង​ប្រព្រឹត្ត​ទៅ​ដូច​ការ​គ្រោង​ទុក ។

សូមបញ្ជាក់, ព្រឹត្តិការណ៍បាល់ទាត់ពានរង្វាន់ពិភពលោកផ្នែកនារីលើកទី៩ នៅឆ្នាំ២០២៣នេះ មាន២ប្រទេសធ្វើជាម្ចាស់ផ្ទះ គឺ​ នូវែលសេឡង់ និងអូស្រ្តាលី ហើយការ​ប្រកួត​បើក​ឆាកគឺ​​រវាង​នូវែលសេឡង់ និង​ន័រវែស នឹងធ្វើឡើង​នៅពហុកីឡដ្ឋាន Eden Park ក្នុង​ទីក្រុង Auckland នេះតែម្តង។

ពាក់ព័ន្ធបញ្ហានេះដែររដ្ឋមន្ត្រីកីឡាលោក Grant Robertson បានសង្កត់ធ្ងន់ថា នឹងមានការដាក់ពង្រាយប៉ូលិសបន្ថែមទៀតនៅក្នុងតំបន់នេះ ដើម្បីធានាសន្តិសុខជូនប្រជាពលរដ្ឋ និងការប្រកួតផងដែរ ៕

ប្រែសម្រួល៖ Vann Vann

ប្រភព៖ BBC

ចុចអាន៖ នាយក រដ្ឋមន្ត្រី ថ្មី  របស់  នូវែលសេឡង់  ជានរណា?