តុលាការហុងកុង ដាក់គុកបុរសម្នាក់ ព្រោះ ប្រមាថភ្លេងជាតិ

តុលាការហុងកុង បានកាត់ទោសបុរសម្នាក់ ឲ្យជាប់ពន្ធនាគាររយៈពេល៣ខែ ពីបទប្រមាថភ្លេងជាតិចិនដោយយកបទចម្រៀងតវ៉ា ទៅកាត់ត ជាមួយវីដេអូឃ្លីបរបស់អត្តពលិកហុងកុងម្នាក់ ដែលកំពុងចូលរួមពិធីបំពាក់មេដាយមាសនៅឯព្រឹត្តិការណ៍អូឡាំពិកទីក្រុងតូក្យូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ ចៅក្រម Minnie Wat និយាយថា ទង្វើនេះត្រូវតែមានទោស ព្រោះភ្លេងជាតិ គឺជានិមិត្តសញ្ញានៃសេចក្តីថ្លៃថ្នូរ និងបូរណភាពទឹកដីរបស់ប្រទេសមួយ ខណៈ

អ្នកថតរូប Cheng Wing-chun អាយុ២៧ឆ្នាំ ត្រូវបានរកឃើញមានពិរុទ្ធពីបទប្រមាថភ្លេងជាតិនៅតុលាការភាគខាងកើត។ យ៉ាងណាក្តី គាត់មិនបានសារភាពទោសកំហុសទេ វីដេអូ​នេះ​ត្រូវ​បាន​គេ​ចែក​រំលែក​យ៉ាង​ទូលំ​ទូលាយ ​ដោយ​មាន​អ្នក​ចូល​មើល​ដល់​ទៅ ៩០០០០ដង។

គួរបញ្ជាក់ថា លោក Cheng គឺជាមនុស្សដំបូងគេ ត្រូវបានកាត់ទោសនៅក្រោមច្បាប់ភ្លេងជាតិ ដែលអនុម័តក្នុងឆ្នាំ២០២០។ ការមិនគោរពភ្លេងជាតិរបស់ប្រទេសចិន ត្រូវមានទោសជាប់ពន្ធនាគាររហូតដល់៣ឆ្នាំ ឬពិន័យជាប្រាក់រហូតដល់៦៤០០ដុល្លារអាមេរិក៕

ប្រែសម្រួល៖ Vann Vann

ប្រភព៖ CNA

ចុចអាន៖ ហុងកុង ចាប់បានសកម្មភាពលាងលុយខ្មៅជាង ៤៤៦ លានដុល្លារ