“ជ្រលងមរណៈ” កន្លែងមានអាកាសធាតុក្តៅបំផុតលើលោក

ថ្វីបើគ្រោះទឹកជំនន់ កំពុងកើតមាននៅក្នុងប្រទេសមួយចំនួនលើពិភពលោកក៏ដោយ ប៉ុន្តែប្រទេសខ្លះ ក៏កំពុងរងគ្រោះដោយសាររលកកម្តៅខ្លាំងក្លាផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួយ៉ាងដូចជានៅសហរដ្ឋអាមេរិកជាដើម ដោយទីនោះ មនុស្សប្រមាណ៨៣លាននាក់ ត្រូវបានគេព្រមានឲ្យប្រុងប្រយ័ត្នចំពោះអាកាសធាតុក្តៅជិតឈានដល់កម្រិតកំណត់ត្រា ក្នុងសប្តាហ៍នេះ។

ទន្ទឹមនោះ នៅអឺរ៉ុប ក៏កំពុងស៊ូទ្រាំនឹងរលកកម្តៅដ៏ក្តៅគគុក ហើយប្រទេសខ្លះ ថែមទាំងកើតមានភ្លើងឆេះព្រៃទៀតផង។

ដូច្នេះ តើអ្នកដឹងទេថា តើកន្លែងណាជាកន្លែងមានអាកាសធាតុក្តៅបំផុត នៅលើផែនដីនេះ?

នោះគឺ ជ្រលងមរណៈ! ជ្រលងមរណៈ ឬ Death Valley មានទីតាំងស្ថិតនៅក្នុងរដ្ឋ កាលីហ្វ័រញ៉ា នៃសហរដ្ឋអាមេរិក។

សីតុណ្ហភាពនៅទីនោះ បានឈានដល់កម្រិតកំណត់ត្រាក្នុងឆ្នាំ១៩១៣ ដោយឡើងដល់៥៦.៧អង្សាសេ ក្លាយជាកន្លែងក្តៅបំផុតលើលោក។ ទីនោះ​ ក៏ជាកន្លែងស្ងួតបំផុតនៅរដ្ឋកាលីហ្វ័រញ៉ាផងដែរ។

ទោះបីជាយ៉ាងណាក៏ដោយ សប្តាហ៍នេះ សីតុណ្ហភាពនៅទីនោះ នៅតែខ្ពស់ ហើយស្ថិតក្នុងចំណោមកន្លែងក្តៅបំផុតលើលោក៕

ប្រែសម្រួល៖ Vann Vann

ប្រភព៖ Register-Herald

ចុចអាន៖ ធម្មជាតិកំពុងសងសឹកមនុស្សវិញ ដោយភពផែនដី ប្រកាសអាសន្នគ្រោះមហន្តរាយ