ព័ត៌មានអន្ដរជាតិ

លោក Pita ថា យើងនឹងគោរពតាមសន្យា បង្កើតរដ្ឋាភិបាលប្រជាជន ជូនម្ចាស់ឆ្នោត

បានផុស

១ year មុន

នៅ

ថ្ងៃចន្ទ ២៤ កក្កដា ២០២៣

ដោយ

មេដឹកនាំគណបក្សចលនាឆ្ពោះទៅមុខលោក Pita Limjaroenrat បានសន្យាជាមួយអ្នកគាំទ្រកាលពីពេលថ្មីៗនេះថា លោកនឹងរក្សាពាក្យសម្ដីរបស់លោកក្នុងការបង្កើត “រដ្ឋាភិបាលប្រជាជន” ជាមួយគណបក្សចម្រុះផ្សេងទៀត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅមុខអ្នកគាំទ្រប្រមាណ ២,០០០ នាក់នៅខេត្តឈុនបុរីភាគខាងកើត, លោក Pita បានថ្លែងអំណរគុណដល់ប្រជាជនសម្រាប់ការស្វាគមន៍ខ្លាំងក្លារបស់ពួកគេ ហើយបានសន្យាថា បក្សចលនាឆ្ពោះទៅមុខ និងដៃគូចម្រុះផ្សេងទៀតនឹងបំពេញតាមការប្តេជ្ញាចិត្តក្នុងការបង្កើតរដ្ឋាភិបាលប្រជាជនជូនចំពោះម្ចាស់ឆ្នោត ។

លោក Pita លើកឡើងទៀតថា ចាប់តាំងពីដៃចម្រុះជិះទូកតែមួយមក គោលបំណងរបស់យើងត្រូវតែបង្កើតរដ្ឋាភិបាលដែលតំណាងឲ្យប្រជាជនពិតប្រាកដ ហើយខ្ញុំនឹងមិនបោះបង់ចោលការខិតខំប្រឹងប្រែងរបស់ខ្ញុំដើម្បីបំបែកវដ្តនៃរបបផ្តាច់ការដែលញាំញីយើងយូរពេកនោះទេ ។

លោកបានបន្ថែមថា ទោះបីជាលោកជួបការលំបាកយ៉ាងណាក្នុងការក្លាយជានាយករដ្ឋមន្ត្រី និងការបង្កើតរដ្ឋាភិបាលបន្ទាប់ក៏ដោយ ក៏លោកនឹងមិនបោះបង់ប្រជាជនថៃឡើយ ហើយសន្យាថា នឹងឈរក្បែរពួកគេ ជាពិសេសលោកបានអំពាវនាវដល់ប្រជាជនកុំឲ្យបាត់បង់ជំនឿលើលទ្ធិប្រជាធិបតេយ្យ ។

បន្ទាប់ពីបញ្ចប់យុទ្ធនាការនៅឈុនបុរី លោក Pita នឹងបន្តធ្វើដំណើរទៅកាន់ខេត្ត Rayong និង Chantaburi សម្រាប់ការប្រមូលផ្តុំស្រដៀងគ្នានេះ ។

គួរបញ្ជាក់ថា កាលពីថ្ងៃទី១៣ ខែកក្កដា លោក Pita បានបរាជ័យក្នុងការឈរឈ្មោះបោះឆ្នោតដើម្បីក្លាយជានាយករដ្ឋមន្ត្រីទី ៣០ របស់ប្រទេសថៃ ដោយសារតែលោកមិនអាចទទួលបានសំឡេងគាំទ្រគ្រប់គ្រាន់ពីសមាជិកសភាឡើយ ។ អាស្រ័យហេតុនេះ គណបក្សរបស់លោកត្រូវតែដើរចេញ ហើយទុកឲ្យសមាជិកដៃគូចម្រុះធំទី ២ មកពីបក្សភឿថៃ ដឹកនាំក្នុងការបង្កើតរដ្ឋាភិបាលបន្ទាប់ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ លោក Pita ចេញមុខនិយាយទៅកាន់ប្រជាជន ថៃ ក្រោយអស់សិទ្ធិធ្វើជា នាយករដ្ឋមន្ត្រី