Connect with us

ព័ត៌មានអន្ដរជាតិ

ត្រាំ ហៅ បៃដិន ជា “មនុស្សល្ងង់” ដែលហ៊ានលាតត្រដាងប្រទេសខ្លួនឯងថា កំពុងអស់គ្រាប់ពីឃ្លាំងស្តុកអាវុធ

បានផុស

នៅ

អតីតប្រធានាធិបតីសហរដ្ឋអាមេរិកលោក ដូណាល់ ត្រាំ បានរិះគន់ និងហៅប្រធានាធិបតីបច្ចុប្បន្នលោក ចូ បៃដិន ថាជាមនុស្សល្ងង់ចំពោះការលាតត្រដាងថា សហរដ្ឋអាមេរិកកំពុងអស់គ្រាប់ពីឃ្លាំងស្តុកអាវុធ ចំពេលមានសង្គ្រាមប្រូកស៊ីជាមួយរុស្ស៊ីនៅអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ត្រាំ បាននិយាយនៅក្នុងបទសម្ភាសន៍តាមទូរទស្សន៍កាលពីពេលថ្មីៗនេះថា “យើងមានបុរសម្នាក់ដែលមិនយល់ពីសាច់ការអ្វីដែលខ្លួនកំពុងធ្វើឡើយ ។ យើងមានបុរសម្នាក់ដែលក្រោកឈរប្រាប់ពិភពលោកទាំងមូលថា អាមេរិកមិនមានគ្រាប់រំសេវទៀតនោះទេ ប៉ុន្តែចំពោះខ្ញុំវិញ អ្នកដឹងទេថា ខ្ញុំមានសព្វាវុធពេញដៃពេលដែលខ្ញុំកាន់អំណាចកាលពី ៣ ឆ្នាំមុន” ។

លោក ត្រាំ បានលើកឡើងទៀតថា “វាជារឿងអាក្រក់ណាស់ដែលយើងមានបុរសម្នាក់ដែលបានប្រាប់ប្រទេសចិន និងកន្លែងផ្សេងទៀតដែលស្អប់យើង រួមទាំងកូរ៉េខាងជើងផងនោះថា សហរដ្ឋអាមេរិកមិនមានគ្រាប់ទៀតនោះទេ ។ នៅកូរ៉េខាងជើង ជាកន្លែងដែលខ្ញុំមានទំនាក់ទំនងល្អជាមួយលោក គីម ជុងអ៊ុន ប៉ុន្តែពេលនេះពួកគេកំពុងនិយាយអំពីសហរដ្ឋអាមេរិកថា មិនមានគ្រាប់ទៀតនោះទេ ហើយសូមគិតមើលទៅ តើ​អ្នក​ណា​ម្នាក់​អាច​និយាយភាសា​ល្ងង់បែបនេះនោះ?” ។

ទន្ទឹមនោះ លោក ត្រាំ ដែលបច្ចុប្បន្នកំពុងនាំមុខគេក្នុងការបោះឆ្នោតសម្រាប់ការជ្រើសតាំងឲ្យធ្វើជាប្រធានាធិបតីឆ្នាំ ២០២៤ មកពីគណបក្សសាធារណរដ្ឋ ហើយមាន ៥ ពិន្ទុនាំមុខលោក បៃដិន ក្នុងការបោះឆ្នោតស្ទង់មតិ ក៏បានចោទប្រកាន់ប្រធានាធិបតីបច្ចុប្បន្នអំពីអំពើពុករលួយនៅក្នុងអ៊ុយក្រែនផងដែរ ។

គួរបញ្ជាក់ថា កាលពីដើមខែកក្កដា លោក បៃដិន បានបញ្ជាក់ប្រាប់សារព័ត៌មាន CNN នៅក្នុងបទសម្ភាសន៍មួយអំពីការសម្រេចចិត្តផ្ដល់គ្រាប់បែកចង្កោមទៅឲ្យអ៊ុយក្រែន ដោយក្នុងនោះប្រធានាធិបតីរូបនេះបានលើកឡើងថា ការសម្រេចចិត្តនេះ គឺដោយសារតែរដ្ឋាភិបាលទីក្រុងវ៉ាស៊ីនតោនអស់គ្រាប់ធម្មតាពីឃ្លាំងស្តុកអាវុធហើយ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អាមេរិក ធានាថា ប្រតិបត្តិការវាយបករបស់ អ៊ុយក្រែន លើ រុស្ស៊ី នឹងអូស បន្លាយពេលច្រើនខែទៀត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ នាទីutes មុន

មីយ៉ាន់ម៉ា​​សុខចិត្ត​ដោះលែង​អ្នក​ទោស​នេសាទ​ថៃ​៤នាក់​ ក្រោយសម្របសម្រួល​ជិតកន្លះឆ្នាំ​​

ព័ត៌មានអន្ដរជាតិ៨ ម៉ោង មុន

​រូប​ភាព​រលំបាក់​អគារ​គួររន្ធត់​នៅថៃ ប៉ុន្តែ​​អាជ្ញាធរ​​បញ្ជាក់ថា​ ចំនួន​អ្នកស្លាប់​មាន៩នាក់​ដល់​ពេលនេះ​

ព័ត៌មានអន្ដរជាតិ៨ ម៉ោង មុន

​​រហូត​ដល់​ពេល​នេះ មីយ៉ាន់​ម៉ារកឃើញ​អ្នក​ស្លាប់​​​និងរបួស​ជិត​៩០០​នាក់​ក្នុងគ្រោះរញ្ជួយដី​

ព័ត៌មានជាតិ១០ ម៉ោង មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

ព័ត៌មានជាតិ១២ ម៉ោង មុន

មន្ត្រីក្រសួងសេដ្ឋកិច្ច ៖ ម្ចាស់​អាជីវកម្ម ដែលប្រឈមហានិភ័យ ត្រូវ​មាន​ធានារ៉ាប់រង​សម្រាប់​អាជីវកម្ម​ខ្លួន

ព័ត៌មានអន្ដរជាតិ១៦ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ក្រុងប៉ោយប៉ែត
សន្តិសុខសង្គម១៤ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

ព័ត៌មានអន្ដរជាតិ១៦ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ១៥ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

ព័ត៌មានអន្ដរជាតិ១៦ ម៉ោង មុន

អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ 

Sokha Hotels

ព័ត៌មានពេញនិយម