តំបន់កាន់តែច្រើននៅអាមេរិក រងគ្រោះដោយរលកកម្តៅ ខណៈមនុស្ស៥៩លាននាក់ ត្រូវគេព្រមានឲ្យប្រយ័ត្ន

រលកកម្តៅ ដែលវាយប្រហារភាគនិរតីសហរដ្ឋអាមេរិករយៈពេលជាច្រើនសប្តាហ៍មកហើយនោះ ត្រូវបានគេកំណត់ថា នឹងរីករាលដាលទៅតំបន់កណ្តាល និងភាគខាងកើត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកឧតុនិយមនិយាយថា ចាប់ពីតំបន់ Midwest ទៅ, អាកាសធាតុក្តៅនឹងលាតសន្ធឹងទៅខាងកើត រហូតដល់ចុងភាគខាងត្បូងនៃរដ្ឋ Florida ត្រឹមថ្ងៃពុធ។

កំណត់ត្រាសីតុណ្ហភាព បានឡើងហួសកម្រិតនៅក្នុងទីក្រុងធំៗមួយចំនួន កាលពីចុងសប្តាហ៍ ហើយជនជាតិអាមេរិកប្រហែល៥៩លាននាក់ ស្ថិតក្រោមការប្រកាសអាសន្នពណ៌ក្រហម។

ទីក្រុង Phoenix នៃរដ្ឋ Arizona បានជួបប្រទះសីតុណ្ហភាពលើស៤៣អង្សាសេ រយៈពេល២៤ថ្ងៃជាប់គ្នា ពោលគឺបំបែកកំណត់ត្រាចាស់ ដែលមានត្រឹម១៨ថ្ងៃ ក្នុងឆ្នាំ១៩៧៤។

វាកំពុងឈានទៅរក ការក្លាយខ្លួនជាទីក្រុងធំដំបូងរបស់សហរដ្ឋអាមេរិក ដែលមានសីតុណ្ហភាពជាមធ្យមលើសពី៣៨អង្សាសេ ក្នុងរយៈពេលពេញមួយខែនេះ។

ស្របពេលជាមួយគ្នានោះ ការស្លាប់ទាក់ទងនឹងកម្តៅចំនួន១៨ករណី ត្រូវបានកត់ត្រានៅក្នុងតំបន់ជុំវិញទីក្រុង Maricopa ចាប់តាំងពីខែមេសាមក។

ទន្ទឹមនឹងនេះ នៅទីក្រុងព្រំដែន El Paso នៃ Texas ប្រជាពលរដ្ឋ បានជួបប្រទះ សីតុណ្ហភាពលើសពី៣៨អង្សាសេរយៈពេល៣៨ថ្ងៃជាប់ៗគ្នា។

មជ្ឈមណ្ឌលព្យាករអាកាសធាតុនៃសេវាអាកាសធាតុជាតិនិយាយថា រលកកម្តៅចុងក្រោយនេះ នឹងអូសបន្លាយពេលពីរសប្តាហ៍ទៀត៕

ប្រែសម្រួល៖ Vann Vann

ប្រភព៖ BBC

ចុចអាន៖ “ជ្រលងមរណៈ” កន្លែងមានអាកាសធាតុក្តៅបំផុតលើលោក