ព័ត៌មានអន្ដរជាតិ
កងទ័ព មីយ៉ាន់ម៉ា កំពុងប្រើយន្តហោះទម្លាក់គ្រាប់បែកលើក្រុមប្រឆាំង ការៀង
រយ:ពេលប្រមាណពេញមួយខែហើយ ដែលសភាពការណ៍តាមខ្សែបន្ទាត់ព្រំដែន ថៃ-ភូមា កំពុងវាយប្រហារគ្នាយ៉ាងតានតឹងរវាងកងទ័ពរដ្ឋាភិបាលមីយ៉ាន់ម៉ាជាមួយនិងកម្លាំងឧទ្ទាមការៀង ដែលធ្វើឲ្យប្រជាពលរដ្ឋមីយ៉ាន់ម៉ា ត្រូវភៀសខ្លួនចូលមកកាន់ទឹកដីថៃ ដើម្បីសុំជ្រកកោនរកទីសុវត្ថិភាព ។
យោងតាមការចុះផ្សាយរបស់សារព័ត៌មាន Thai PBS បានបញ្ជាក់ថា ការប្រយុទ្ធគ្នានេះ គឺបានអូសបន្លាយពេលពេញមួយខែមកហើយ ដែលធ្វើឲ្យលំនៅឋានប្រជាពលរដ្ឋរស់នៅក្នុងតំបន់ខ:យ៉ា ដែលស្ថិតនៅជាប់នឹងខេត្ត ម៉ែហង់សន ប្រទេសថៃ ខ្ទេចខ្ទីអស់ជាច្រើនខ្នង ខណៈតំបន់ខាងលើនេះ គឺជាសំបុកនៃការរស់នៅ និងការលាក់ខ្លួនរបស់ក្រុមឧទ្ទាម ការៀង ។
ប្រភពព័ត៌មានបានបន្តថា នៅក្នុងរយ:ពេល ២ ថ្ងៃចុងក្រោយនៃការប៉ះទង្គិចគ្នាគឺថ្ងៃអាទិត្យ និងថ្ងៃចន្ទ ទី២៤ កក្កដានេះ កងទ័ពរដ្ឋាភិបាលមីយ៉ាន់ម៉ាបានប្រើប្រាស់យន្តហោះ និងឧទ្ធម្ភាគចក្របាញ់រះ និងទម្លាក់គ្រាប់បែកយ៉ាងខ្លាំងក្លា ដែលធ្វើឲ្យប្រជាពលរដ្ឋស្លូតត្រង់ចាំបាច់ត្រូវនាំគ្នាភៀសខ្លួនចូលមកកាន់ទឹកដីថៃ ។
ពាក់ព័ន្ធនឹងបញ្ហានេះដែរលោក ជេដ្ឋា ម៉ូស៊ីការ៉ាត់ អភិបាលខេត្តម៉ែហង់សន បានលើកឡើងថា មកទល់ពេលនេះ ជនភៀសខ្លួនរបស់មីយ៉ាន់ម៉ាដែលបានឆ្លងមកកាន់ទឹកដីថៃ ដែលជាតំបន់មានសុវត្ថិភាពចំនួន ៥ កន្លែង សរុបមានចំនួន ៩,០៦៤ នាក់ ដោយក្នុងនោះអាជ្ញាធរថៃក៏បានឧបត្ថម្ភជាស្បៀងអាហាររាល់ថ្ងៃ ហើយក៏មានអង្គការ NGO ចុះមកពិនិត្យផងដែរ ប៉ុន្តែអ្វីដែលព្រួយបារម្ភជាងនេះទៅទៀត គឺពួកគេអាចឆ្លងជំងឺកូវីដ ១៩ ពិសេសគឺមេរោគគ្រុនចាញ់នារដូវភ្លៀងធ្លាក់នេះតែម្ដង ៕
អត្ថបទ ៖ សោ និយមរ័ត្ន
-
ព័ត៌មានអន្ដរជាតិ៤ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ២ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ១ សប្តាហ៍ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៤ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ២ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ៣ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៣ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៣ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ