ព័ត៌មានអន្ដរជាតិ

ម្ចាស់រថយន្តតក់ស្លុតពេលឃើញពស់ថ្លាន់តោងឡាន តែអ្នកទស្សនាបែរសប្បាយចាក់ឆ្នោត

បានផុស

២ years មុន

នៅ

ថ្ងៃពុធ ២៦ កក្កដា ២០២៣

ដោយ

ឃ្លិបដ៏ខ្លីមួយបានរីករាលដាលនៅលើអ៊ីនធឺណិតក្នុងប្រទេសថៃ បន្ទាប់ពីអ្នកប្រើប្រាស់ TikTok ឈ្មោះ wtmconnect បានបង្ហោះវីដេអូជាមួយនឹងខេបសិនបែបកំប្លែងថា “ពេលពស់ថ្លាន់ចង់ឡើងឡានទៅធ្វើការជាមួយ វាសត្វគួរឲ្យស្រឡាញ់”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងនោះឃ្លិបនោះ ត្រូវបានគេថតពីឡានក្នុងថ្ងៃភ្លៀងធ្លាក់ខ្លាំង នៅពីក្រោយរថយន្តស៊េរីទំនើបពណ៌ខ្មៅមួយគ្រឿង ដោយមានអ្វីមួយនៅលើបាំងខាងក្រោយ។ នៅពេលរថយន្តដែលថតឃ្លិបបើកទៅជិតរថយន្តនោះ ទើបឃើញថាវាជាពស់ថ្លាន់ មុហើយបានឮសំឡេងអ្នកក្នុងរថយន្តកំពុងថតឃ្លិបនោះលាន់ឡើងទាំងតក់ស្លុតថា”តើវាជាពស់ថ្លាន់មែនទេ?”

បន្ទាប់ពីឃ្លិបដ៏រន្ធត់នេះត្រូវបានផ្សព្វផ្សាយលើបណ្ដាញអ៉ិនធើណេត មានអ្នកទស្សនាវីដេអូច្រើនជាង ៣.៤លានដង បើទោះបីជាវាជាឃ្លិបខ្លីក៏ដោយ។ ក្នុងនោះភាគច្រើនសុទ្ធតែជាក្រុមចាក់ឆ្នោតមកមើលស្លាកលេខរថយន្តនោះគឺ ៥៤០៩ ដោយសង្ឃឹមថានឹងយកវាទៅលេងល្បែងដើម្បីចាប់ឆ្នោតថ្ងៃទី៣១ ខែកក្កដា ឆ្នាំ២០២៣ ។

ចំណែកឯអ្នកនិយមលេងអ៊ីនធឺណិតភាគច្រើនបានចូលមកអរគុណម្ចាស់ឃ្លិប ព្រោះឃើញលេខរថយន្តច្បាស់ៗ។ ចំណែកម្ចាស់ឃ្លិបបានឆ្លើយតបក្រុមអ្នកចាក់ឆ្នោតឲ្យសុំការអនុញ្ញាតពីម្ចាស់រថយន្ត ថាគួរតែចាក់ដែរទេក្នុងពេលដែលម្ចាស់កំពុងភ័យតក់ស្លុត សឹងមិនដឹងថាពស់នេះលូនតោងឡានតាំងពីពេលណាមក៕