ព័ត៌មានអន្ដរជាតិ
កូនស្រីលោក ថាក់ស៊ីន បញ្ជាក់ច្បាស់ៗពីថ្ងៃដែលឪពុកនឹងត្រឡប់ចូលស្រុកវិញ
លោកស្រី ផេថងថាន ស៊ីណាវ៉ាត់ត្រា បានបង្ហោះនៅលើបណ្ដាញសង្គម Facebook នៅថ្ងៃពុធនេះថា អតីតនាយករដ្ឋមន្ត្រីថៃលោក ថាក់ស៊ីន ស៊ីណាវ៉ាត់ត្រា នឹងចុះចតនៅព្រលានយន្តហោះដនមឿង ដើម្បីត្រឡប់ចូលស្រុកវិញនៅថ្ងៃទី១០ ខែសីហា ឆ្នាំ២០២៣ នេះ ក្រោយចំណាយពេលរស់នៅនិរទេសខ្លួនអស់រយៈពេល ១៧ ឆ្នាំ ។

នៅក្នុងការបង្ហោះ ចំខួបកំណើតគម្រប់ ៧៤ ឆ្នាំរបស់លោក ថាក់ស៊ីន, លោកស្រី ផេថងថាន បានសរសេរថា “រៀងរាល់ថ្ងៃទី២៦ ខែកក្កដា តែងតែជាថ្ងៃដ៏ពិសេសសម្រាប់លោកស្រី ប៉ុន្តែចំពោះឆ្នាំនេះវិញ លោកស្រីស្ទើរតែមិនជឿខ្លួនឯងថា ឪពុកជាទីស្រឡាញ់របស់លោកស្រី ត្រឡប់មកផ្ទះវិញនោះទេ” ។
កូនស្រីពៅរបស់លោក ថាក់ស៊ីន រូបនេះសរសេរទៀតថា “អ្នករាល់គ្នាក្នុងគ្រួសារ និងខ្ញុំផងនោះមានទាំងអារម្មណ៍សប្បាយរីករាយ និងព្រួយបារម្ភ ប៉ុន្តែយើងគោរពការសម្រេចចិត្តរបស់គាត់ ។ លោកស្រីក៏បានជូនពរដល់លោក ថាក់ស៊ីន ឲ្យមានសុខភាពល្អ កម្លាំងមាំមួន និងមានសុវត្ថិភាពផងដែរ ។

លោកស្រី ផេថងថាន បានបន្ថែមថា “ខ្ញុំចង់ឲ្យបំណងប្រាថ្នារបស់ឪពុកខ្ញុំជូនចៅៗទៅរៀនក្លាយជាការពិត ។ ឪពុករបស់ខ្ញុំគឺជាជនជាតិថៃ និងជាអតីតនាយករដ្ឋមន្ត្រីដែលគេស្គាល់ថា បានធ្វើការងារជួយជាតិច្រើនបំផុត ប៉ុន្តែទោះជាយ៉ាងណា គាត់បានជួបនឹងសំណាងដ៏អាក្រក់ និងត្រូវបានគេតិះដៀលយ៉ាងធ្ងន់ធ្ងរផងដែរ” ។
គួរបញ្ជាក់ថា គិតត្រឹមពេលនេះលោក ថាក់ស៊ីន បានពន្យារពេលវិលត្រឡប់ចូលស្រុកវិញចំនួន ១៩ ដងមកហើយ រាប់ចាប់តាំងពីការសន្យាចូលមកកាលពីដើមខែនេះផងដែរ បន្ទាប់ពីត្រូវបានបណ្តេញចេញពីអំណាចក្នុងរដ្ឋប្រហារកាលពីឆ្នាំ ២០០៦ ហើយចាប់តាំងពីពេលនោះមកលោកបានរស់នៅក្នុងលក្ខណៈនិរទេសខ្លួន និងត្រូវកាត់ទោសឲ្យជាប់ពន្ធនាគាររយៈពេល ១២ ក្នុងសំណុំរឿងចំនួន ៤ ករណី ៕

ប្រែសម្រួលដោយ ៖ ជីវ័ន្ត
ប្រភព ៖ Thai PBS
ចុចអាន ៖ សភា ថៃ សម្រេចនឹងមិនបោះឆ្នោតជ្រើសរើសនាយករដ្ឋមន្ត្រីជុំទី២ នៅថ្ងៃ ស្អែកនោះទេ

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ