ព័ត៌មានអន្ដរជាតិ

អតីតតារាថៃ បង្ហាញមូលហេតុពិតដែលគណបក្សផ្សេងទៀត មិនចង់ធ្វើការជាមួយលោក ភីថា

បានផុស

១ year មុន

នៅ

ថ្ងៃព្រហស្បតិ៍ ២៧ កក្កដា ២០២៣

ដោយ

អតីតតារាសម្ដែងដ៏ល្បីរន្ទឺនិងជាពិធីករលោក Paul Pattarapol Silapajarn បច្ចុប្បន្នកំពុងសាងឈ្មោះលើមុខជំនួញផ្ទាល់ខ្លួន ដោយមិនសូវលេចមុខលើវិស័យសិល្បៈដូចពីមុនទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នានោះ ទស្សនិកជនតែងឃើញតួឯកប្រុសក្នុងរឿង “សិលាមន្នី” រូបនេះជារឿយតែងលើកឡើងអំពីរឿងរ៉ាវនយោបាយក្នុងប្រទេសថៃ ខណៈពេលដែលនាថ្មីៗ លោកបានធ្វើការស្ទង់មតិសួរសាធារណជនលើបណ្ដាញអ៊ីនធឺណិត។ ក្នុងនោះលោកលើកជាសំណួរមួយលើប្រធានបទ “តើអ្នកគិតថាហេតុផលពិត” ដែលគណបក្សផ្សេងទៀតនិយាយថា មិនចង់ធ្វើការជាមួយគណបក្សចលនាឆ្ពោះទៅមុខដោយសារអ្វី ហើយបានផ្តល់ជម្រើស២ឲ្យមហាជនផងដែរ។

១ មាត្រា.១១២ (ព្រហ្មទណ្ឌ ឬច្បាប់ប្រមាថព្រះមហាក្សត្រ)

២ វាពិបាកក្នុងការបន្លំ ឬពិបាកធ្វើអំបើពុករលួយ

យ៉ាងណាមិញ បន្ទាប់ពីស្ទង់មតិមិនបានប៉ុន្មានសារព័ត៌មាន Thai News បានពិនិត្យចុងក្រោយនៅម៉ោង ១១:០០ ដោយរកឃើញថា មានមនុស្សជាង ៤៣,៨៨៩ នាក់ដែលឆ្លើយការស្ទង់មតិ ហើយលទ្ធផលនៃការស្ទង់មតិមានដូចខាងក្រោម។

១ មាត្រា.១១២ ចំនួន ២ភាគរយ

២ វាពិបាកក្នុងការបន្លំឬពិបាកធ្វើអំបើពុករលួយ ៩៨ភាគរយ

ដោយឡែកលោក Wiroj Lakkhanaadisorn សមាជិកសភានៃគណបក្សចលនាឆ្ពោះទៅមុខ បានបង្ហោះការស្ទង់មតិរបស់អតីតតារាសម្ដែងនាឆ្នាំ២០០០រូបនេះនៅលើទំព័រហ្វេសប៊ុកផ្ទាល់ខ្លួនដោយបញ្ជាក់ថា “អ្នកអាចបោះឆ្នោត និងបញ្ចេញមតិនៅលើ Twitter របស់ Paul” ។ រួមជាមួយនឹងសេចក្តីថ្លែងការណ៍បន្ថែមថា “ខ្ញុំគិតថាការស្ទង់មតិនេះ អាចផ្តល់ចម្លើយបឋមបានល្អណាស់ មូលហេតុពិតដែលគណបក្សនយោបាយមួយចំនួនអះអាង មិនអាចធ្វើការជាមួយលោកភីថា ប្រហែលជាដោយសារតែ បើមានបក្សឆ្ងាយក្នុងខុទ្ទកាល័យពិបាករកអំពើពុករលួយ។ ចំណែកការធ្វើវិសោធនកម្មមាត្រា១១២ ប្រហែលគ្រាន់តែជាការដករបបរាជានិយម។ វាគ្រាន់តែជាលេសប៉ុណ្ណោះ”!

យ៉ាងណាក៏ដោយ នេះគ្រាន់តែជាស្ទង់មតិលើបណ្ដាញអ៉ិនធើណេតក្នុងប្រទេសថៃរបស់អតីតតារាសម្ដែងប្រុស Paul តែប៉ុណ្ណោះ! ចំពោះបញ្ហាជាក់ស្ដែងបន្តយ៉ាងណាទៀត មហាជនមានតែរង់ចាំមើលលទ្ធផលក្នុងការបោះឆ្នោតជ្រើសរើសនាយករដ្ឋមន្ត្រីដែលគ្រោងធ្វើនៅថ្ងៃនេះ៕