អាមេរិក បញ្ចុះបញ្ចូលប្រទេសមួយទៀត ឲ្យចូលរួមជាមួយ AUKUS

រដ្ឋមន្ត្រីការបរទេសសហរដ្ឋអាមេរិក លោក Antony Blinken បាននិយាយនៅថ្ងៃព្រហស្បតិ៍ទី២៧ខែកក្កដាថា ទ្វារកំពុងបើកចំហសម្រាប់ប្រទេសនូវែលសេឡង់ ដើម្បីចូលរួមជាមួយគម្រោងអភិវឌ្ឍន៍និងលទ្ធកម្មអាវុធ Aukus រវាងសហរដ្ឋអាមេរិក អង់គ្លេស និងអូស្ត្រាលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គម្រោង AUKUS ពហុដំណាក់កាលដែលប្រកាសកាលពីខែមីនា គ្រោងនឹងបញ្ចប់នៅចុងទសវត្សរ៍ឆ្នាំ២០៣០ឬដើមទសវត្សរ៍ឆ្នាំ២០៤០ ដោយចក្រភពអង់គ្លេស និងអូស្ត្រាលី នឹងផលិត ហើយប្រតិបត្តិការនាវាមុជទឹកប្រភេទថ្មី SSN-Aukus។

លោក Blinken បានប្រាប់សន្និសីទសារព័ត៌មាននៅទីក្រុង Wellington ថា “ទ្វារកំពុងបើកចំហសម្រាប់ប្រទេសនូវែលសេឡង់ និងដៃគូផ្សេងទៀតដើម្បីចូលរួម។ យើងបានធ្វើការជាមួយគ្នាជាយូរមកហើយ លើបញ្ហាសន្តិសុខជាតិដែលសំខាន់បំផុត។ ដូច្នេះនៅពេលយើងអភិវឌ្ឍ Aukus បន្ថែមទៀត ទ្វារគឺបើកចំហសម្រាប់អ្នកចង់ចូលរួម”។

គួរបញ្ជាក់ថា លោក Blinken បានទៅដល់ប្រទេសនូវែលសេឡង់ ជាផ្នែកនៃដំណើរទស្សនកិច្ចបីប្រទេស នៅតំបន់ប៉ាស៊ីហ្វិក ហើយនៅក្នុងដំណើរនោះ លោកបានជួបជាមួយនាយករដ្ឋមន្ត្រីនូវែលសេឡង់ Chris Hipkins និងរដ្ឋមន្ត្រីការបរទេស Nanaia Mahuta។ ក្រោយមក លោកនឹងធ្វើដំណើរទៅកាន់ប្រទេសអូស្ត្រាលី ចំពេលសមយុទ្ធយោធា អូស្ត្រាលី-អាមេរិកដ៏ធំបំផុត នឹងត្រូវចាប់ផ្តើម៕

ប្រែសម្រួល៖ Vann Vann

ប្រភព៖ Straits Times

ចុចអាន៖ ប្រទេសអាស៊ីអាគ្នេយ៍ចំនួន ៣ បង្ហាញទស្សនៈផ្ទុយគ្នាចំពោះកិច្ចព្រមព្រៀង AUKUS