អាមេរិក ចំណាយលើអ៊ុយក្រែន ១ឆ្នាំ ច្រើនជាងចំណាយនៅអាហ្វហ្គានីស្ថាន ១២ឆ្នាំទៅទៀត

ក្នុងមួយឆ្នាំ សហរដ្ឋអាមេរិក បានចំណាយប្រាក់ឲ្យអ៊ុយក្រែន ច្រើនជាងការដែលខ្លួនចំណាយក្នុងអំឡុងយុទ្ធនាការ១២ឆ្នាំនៅអាហ្វហ្គានីស្ថានទៅទៀត ហើយត្រឹមនៅចុងឆ្នាំ២០២៣ ចំនួនជំនួយសរុបសម្រាប់ទីក្រុងកៀវ នឹងកើនលើសពីមូលនិធិ Marshall Plan ទាំងមូល បន្ទាប់ពីសង្គ្រាមលោកលើកទីពីរទៅទៀត។ នេះបើតាមការបញ្ជាក់កាលពីថ្ងៃព្រហស្បតិ៍ទី២៧ខែកក្កដាពី​ អគ្គអធិការពិសេសសម្រាប់ការកសាងអាហ្វហ្គានីស្ថានឡើងវិញ ( SIGAR) លោក John Sopko។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Sopko បានបន្ថែមថា សហរដ្ឋអាមេរិក បានចំណាយអស់ទឹកប្រាក់ប្រហែល៣៧៥លានដុល្លារ ក្នុងមួយខែសម្រាប់ជំនួយសន្តិសុខនៅក្នុងប្រទេសអាហ្វហ្គានីស្ថាន ខណៈរដ្ឋបាលលោក ចូ បៃដិន កំពុងចំណាយប្រហែល២.៥ពាន់លានដុល្លារក្នុងមួយខែ សម្រាប់ជំនួយសន្តិសុខក្នុងប្រទេសអ៊ុយក្រែន។

គួរបញ្ជាក់ថា សហរដ្ឋអាមេរិកបានសន្យាផ្តល់ជំនួយក្នុងទំហំទឹកប្រាក់ជាង៧៥ពាន់លានដុល្លារដល់អ៊ុយក្រែន ចាប់តាំងពីខែកុម្ភៈឆ្នាំ២០២២មក។ ផ្នែកសំខាន់ ឬជិត៥០ពាន់លានដុល្លារ ត្រូវបានចំណាយលើសព្វាវុធ និងឧបករណ៍យោធាដែលពាក់ព័ន្ធ៕

ប្រែសម្រួល៖ Vann Vann

ប្រភព៖ Sputnik

ចុចអាន៖ អាមេរិក ផ្តល់ដ្រូនឈ្លបយកការណ៍ “ឪម៉ាល់ខ្មៅ” ឲ្យអ៊ុយក្រែន ជាលើកដំបូង ក្នុងជំនួយថ្មី ៤០០លានដុល្លារ