បាងកក បញ្ជាឲ្យអ្នកបើកបររកុំធ្វើដំណើរទៅតំបន់ចំនួន ២ ក្នុងក្រុង ខ្លាចផ្ទុះបាតុកម្ម

ការិយាល័យប៉ូលិសក្រុងបាងកក (MPB) បានសេចក្ដីណែនាំដល់អ្នកបើកបរឲ្យបញ្ចៀសការធ្វើដំណើរនៅតំបន់ចំនួន ២ ក្នុងទីក្រុង ខណៈដែលក្រុមបាតុករគ្រោងនឹងធ្វើបាតុកម្មនៅថ្ងៃសុក្រនេះ ។

ការចេញបញ្ជារបស់ការិយាល័យប៉ូលិសក្រុងបាងកក (MPB) ឲ្យបញ្ចៀសការធ្វើដំណើរនេះបានកើតឡើង បន្ទាប់ពីស្ថានភាពនៅក្នុងប្រទេសថៃអាចនឹងមានភាពចលាចលណាមួយ ដោយសារតែភាពជាប់គាំងក្នុងការបោះឆ្នោតជ្រើសរើសនាយករដ្ឋមន្ត្រីពីសំណាក់សមាជិកសភា ខណៈតំបន់ទាំងពីរនោះមានដូចជា៖

• ផ្លូវ Sap ទល់មុខស្ថានទូតរុស្សី ក្នុងសង្កាត់ Bang Rak

• ផ្លូវជុំវិញវិមានជ័យជម្នះ ក្នុងសង្កាត់ Phaya Thai ចាប់ពីម៉ោង ៣ រសៀលនេះតទៅ

ទោះយ៉ាងណា ប៉ូលិស​បាន​ណែនាំដល់​អ្នក​ធ្វើ​ដំណើរ​ឲ្យ​ប្រើ​ផ្លូវ​វាងនឹង​កន្លែង​ផ្ទុះការតវ៉ា ហើយប៉ូលិស​ចរាចរណ៍ក៏​នឹង​ជួយ​សម្រួល និង​កាត់បន្ថយ​បញ្ហា​ចរាចរណ៍​សម្រាប់​អ្នកបើកបរ​ផងដែរ ។

គួរបញ្ជាក់ថា ការប្រមូលផ្ដុំរបស់ក្រុមបាតុករបានកើតឡើង បន្ទាប់ពីសភាបានបោះឆ្នោតដកសិទ្ធិឈរឈ្មោះលើកទី ២ របស់លោក Pita សម្រាប់តំណែងនាយករដ្ឋមន្ត្រី ក៏ដូចជាការសម្រេចចិត្តរបស់តុលាការធម្មនុញ្ញក្នុងការដកបញ្ឈរជើង មេដឹកនាំគណបក្សចលនាឆ្ពោះទៅមុខរូបនេះ ជាសមាជិកសភា ពាក់ព័ន្ធទៅនឹងសំណុំរឿងកាន់កាប់ភាគហ៊ុនប្រព័ន្ធផ្សព្វផ្សាយ iTV ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ បក្សភឿថៃ សង្ឃឹមរកបាននាយករដ្ឋមន្ត្រីថ្មី និងបង្កើត “រដ្ឋាភិបាលប្រជាធិប តេយ្យ” តាមការគ្រោងទុក