ព័ត៌មានអន្ដរជាតិ
ចង់បានលាភសំណាងពេក ប្រជាជនថៃកាន់បាច់ផ្កាដេកក្នុងមឈូសដូចសាកសព
នៅក្នុងព្រះវិហារមួយនៅជាយក្រុងបាងកក អ្នកចូលរួមក្នុងពិធីសាសនាប្រចាំថ្ងៃបានកាន់បាច់ផ្កា ហើយដេកនៅក្នុងមឈូសរួចហើយទាញក្រណាត់ពណ៌សគ្របលើពួកគេនៅពេលព្រះសង្ឃសូត្រធម៌ ។
ប្រាសាទ Wat Bangna Nai នៅរដ្ឋធានីថៃទាក់ទាញមនុស្សជាង ១០០ នាក់ក្នុងមួយថ្ងៃដែលជ្រើសរើសធ្វើពិធីនេះដោយសង្ឃឹមថាវាអាចធ្វើឲ្យមានសំណាងល្អ ឬផ្តល់ឲ្យពួកគេនូវការចាប់ផ្តើមថ្មី អំឡុងពេលរោគរាតត្បាតនៃជំងឺកូវីដ ១៩ ។

អ្នកចូលរួមត្រូវចំណាយ ១០០ បាត (៣.៣០ ដុល្លារ) សម្រាប់ផ្កា ទៀន និងសម្លៀកបំពាក់ដែលជាផ្នែកមួយនៃពិធី ។
ពួកគេត្រូវធ្វើតាមការណែនាំរបស់ព្រះសង្ឃដោយដំបូងត្រូវបានដេកនៅក្នុងមឈូសដោយក្បាលរបស់ពួកគេបែរទៅទិសខាងលិចដូចជាសាកសពដែលត្រូវបានគេបញ្ចុះមុនគ្របក្រណាត់ដើម្បីបង្ហាញពីការកើតជាថ្មី ។

ម្ចាស់តូបលក់ម្ហូបអាហារម្នាក់ឈ្មោះ Nutsarang Sihard អាយុ ៥២ ឆ្នាំដែលចូលរួមក្នុងពិធីនេះបាននិយាយថា “ខ្ញុំសូមសារភាពថា ខ្ញុំតានតឹងក្នុងប៉ុន្មានថ្ងៃនេះ ពីព្រោះខ្ញុំរកប្រាក់ចំណូលបានតិចដោយសារជំងឺរាតត្បាត ហើយខ្ញុំប្រាកដថា អ្នករាល់គ្នានៅទីនេះមានអារម្មណ៍ដូចគ្នា” ។
លោក Nutsarang បាននិយាយថា “ខ្ញុំមានអារម្មណ៍ថាខ្ញុំបានចាប់កំណើតឡើងវិញ បានរស់ឡើងវិញ ហើយក្លាយជាមនុស្សថ្មី” ។

អ្នកចូលរួមម្នាក់ទៀតនៅក្នុងពិធីនោះឈ្មោះ Chonlathit Nimimenwai អាយុ ២៣ ឆ្នាំបាននិយាយថា “នាងបានចូលរួមធ្វើពិធីនេះ ពីព្រោះគ្រូទាយម្នាក់បានប្រាប់នាងថាជីវិតរបស់នាងកំពុងស្ថិតក្នុងគ្រោះថ្នាក់” ។
នាងបាននិយាយថា “វាធ្វើឲ្យខ្ញុំមានអារម្មណ៍តានតឹង ។ នោះហើយជាមូលហេតុដែលខ្ញុំមកទីនេះ ព្រោះខ្ញុំចង់មានអារម្មណ៍ធូរស្បើយ” ។

វត្តជាច្រើននៅក្នុងប្រទេសថៃមានពិធីប្រហាក់ប្រហែលគ្នានេះ ហើយព្រះសង្ឃ Prakru Prapath Waranukij ដែលបានធ្វើពិធីនេះមានសង្ឃដីកាថា ខណៈដែលពិធីនេះទទួលបានការរិះគន់មួយចំនួនតាមអ៊ីនធឺណិត ព្រះតេជគុណយល់ថាវាមានសារៈសំខាន់ក្នុងការសមាធិអំពីការស្លាប់ ។
ព្រះតេជគុណ Prakru មានសង្ឃដីកាថា “វារំឭកមនុស្សថា ថ្ងៃណាមួយយើងនឹងស្លាប់ដូច្នេះយើងត្រូវប្រយ័ត្នអំពីរបៀបដែលយើងរស់នៅ” ៕

ប្រែសម្រួលដោយ ៖ ជីវ័ន្ត
ប្រភព ៖ REUTERS
ចុចអាន ៖ សាកលវិទ្យាល័យមួយរបស់ថៃនឹងចាប់ផ្ដើមសាកល្បងវ៉ាក់សាំងកូវីដរបស់ខ្លួនលើមនុស្ស

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម៩ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ