ព័ត៌មានអន្ដរជាតិ

រុស្ស៊ី ថា អ៊ុយក្រែន កំពុងសុំទានអាវុធអច្ឆរិយៈពី អាមេរិក និងអឺរ៉ុប

បានផុស

២ years មុន

នៅ

ថ្ងៃសៅរ៍ ២៩ កក្កដា ២០២៣

ដោយ

ប្រធានសភារុស្ស៊ី ឬសភា Duma លោក Vyacheslav Volodin បាននិយាយកាលពីពេលថ្មីៗនេះថា អ៊ុយក្រែនកំពុងសុំទានអាវុធអច្ឆរិយៈពីសហរដ្ឋអាមេរិក និងសហភាពអឺរ៉ុប ក្នុងទម្រង់ជាយន្តហោះចម្បាំង F-16 ជាដើម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Volodin បានសរសេរនៅលើបណ្ដាញ Telegram ថា “រដ្ឋាភិបាលទីក្រុងកៀវដែលដឹកនាំដោយប្រធានាធិបតីអ៊ុយក្រែន Volodymyr Zelensky កំពុងអង្វរទីក្រុងវ៉ាស៊ីនតោន និងទីក្រុងព្រុចស៊ែលសម្រាប់ “អាវុធអច្ឆរិយៈ” ដើម្បីដោះស្រាយបញ្ហាលើសមរភូមិទាំងអស់របស់ពួកគេ” ។

លោក Volodin បាននិយាយថា “អាវុធអច្ឆរិយៈ” ទាំងនេះដំបូងឡើយ គឺជាកាំភ្លើងយន្តដែលផលិតដោយសហរដ្ឋអាមេរិក ហើយបន្ទាប់មកបានក្លាយទៅជាប្រព័ន្ធបាញ់គ្រាប់រ៉ុកកែត HIMARS ក៏ដូចជារថក្រោះខ្លារខិន Leopard និង Bradley ប៉ុន្តែទោះយ៉ាងណា គ្មានអាវុធណាមួយក្នុងចំណោមអាវុធទាំងនេះបានជួយអ៊ុយក្រែនក្នុងការវាយបកលើរុស្ស៊ី ចាប់តាំងពីដើមខែមុនមកឡើយ ។

លោក Volodin និយាយបន្ថែមថា “ទាហាន និងមន្ត្រីរបស់យើងកំពុងដុតអាវុធលោកខាងលិចទាំងនោះម្តងមួយៗ ហើយសព្វាវុធថ្មីៗដែលបានបញ្ជូនដោយរដ្ឋជាសមាជិកអាមេរិក ឬ EU នឹងមិនអាចមានឥទ្ធិពលលើលទ្ធផលនៃប្រតិបត្តិការសឹកទៀតនោះទេ“ ។

គួរបញ្ជាក់ថា ចាប់តាំងពីសង្រ្គាមរុស្ស៊ី និងអ៊ុយក្រែនបានផ្ទុះឡើងកាលពីឆ្នាំមុនកាលពីថ្ងៃទី២៤ ខែកុម្ភៈមក ប្រទេសលោកខាងលិចបន្តគាំទ្រដល់រដ្ឋាភិបាលទីក្រុងកៀវ ជាមួយនឹងជំនួយផ្នែកយោធា និងហិរញ្ញវត្ថុយ៉ាងច្រើនសន្ធឹកសន្ធាប់ ប៉ុន្តែរហូតមកដល់ពេលនេះ ប្រទេសទាំងនោះក៏មានការស្ទាក់ស្ទើរក្នុងការបញ្ជូនយន្តហោះចម្បាំងទៅកាន់ទីក្រុងកៀវផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu