ព័ត៌មានអន្ដរជាតិ

កម្រាលឥដ្ឋមាសក្នុងវិមានអធិរាជនៅ ចិន ដេញថ្លៃរាប់លានដុល្លារ សូម្បីមានលុយក៏មិនអាចធ្វើជាម្ចាស់

បានផុស

២ years មុន

នៅ

ថ្ងៃសៅរ៍ ២៩ កក្កដា ២០២៣

ដោយ

នៅក្នុងការដេញថ្លៃវត្ថុបុរាណមួយ ឥដ្ឋមាសមួយគូក្នុងទីក្រុងហាមឃាត់ Forbidden City ត្រូវបានលក់ក្នុងតម្លៃ ៨០០,០០០ យន់ (១១១,៩១៤ដុល្លារ) ពោលគឺឥដ្ឋមួយមានតម្លៃ ៥៤,៨៦៣ដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីក្រុងហាមឃាត់ ឬហៅម្យ៉ាងទៀតថា វិមានអធិរាជ គឺជាកន្លែងស្នាក់នៅរបស់អធិរាជបុរាណនៃប្រទេសចិន។ សាងសង់ក្នុងឆ្នាំ ១៤០៦ បន្ទាប់ពី ១៤ ឆ្នាំ ពោលគឺ ១៤២០ សំណង់ដ៏អស្ចារ្យនេះត្រូវបានបញ្ចប់។ វាបានក្លាយជាមជ្ឈមណ្ឌលអំណាចកំពូលនៃរាជវង្សចិនទាំងពីរអស់រយៈពេលជាងប្រាំសតវត្សមកហើយ។

យោងតាមសារមន្ទីរ Palace ទីក្រុងហាមឃាត់ត្រូវបានហ៊ុមព័ទ្ធដោយកំពែងខ្ពស់ ១០ម៉ែត្រ និងទទឹង ៥២ ម៉ែត្រ បណ្ដោយ ៩៦១ម៉ែត្រពីខាងជើងទៅខាងត្បូង និង ៧៥៣ ម៉ែត្រពីខាងកើតទៅខាងលិច ទទឹងជាង ៧២០,០០០ម៉ែត្រការ៉េ ឬប្រហែលជាង១០០ ដង។ កំណត់ត្រាបេតិកភណ្ឌរបស់អង្គការយូណេស្កូក៏បង្ហាញផងដែរថា ទីក្រុងហាមឃាត់មានបន្ទប់ជិត ១០,០០០ ដែលមានគ្រឿងសង្ហារឹម ស្នាដៃសិល្បៈ និងសួនច្បារទេសភាពជាច្រើន។ មនុស្សមួយចំនួនបានប៉ាន់ប្រមាណថា វានឹងចំណាយពេលលើសពី ២ សប្ដាហ៍ដើម្បីឆ្លងកាត់វត្ថុបុរាណនេះ។

មិនត្រឹមតែជាគោលដៅទេសចរណ៍ប៉ុណ្ណោះទេ ទីក្រុងហាមឃាត់ក៏ត្រូវបានផ្សារភ្ជាប់ជាមួយនឹងអាថ៌កំបាំងជាច្រើនដែលធ្វើឲ្យអ្នកស្រាវជ្រាវភ្ញាក់ផ្អើល។ មនុស្សជាច្រើនតែងប្រាប់គ្នាទៅវិញទៅមកថា Forbidden City ត្រូវបានក្រាលដោយឥដ្ឋពណ៌លឿងមាសឆ្អិនឆ្អៅ។ សិប្បករឬមនុស្សដែលមានចំណេះដឹងអំពីសម្ភារៈនៅពេលនោះបានចាត់ទុកកម្រាលឥដ្ឋនៅក្នុងទីក្រុងហាមឃាត់មានតម្លៃជាងមាសទៅទៀត។ ដោយសារតែដំណើរការនៃការបញ្ចប់ឥដ្ឋត្រូវចំណាយពេលដល់ទៅ ៧២០ ថ្ងៃ ជាមួយនឹងដំណាក់កាលដ៏ស្មុគស្មាញជាច្រើន ដែលទាមទារជំនាញដ៏ប៉ិនប្រសប់របស់សិប្បករ។

ដោយសារដំណើរការផលិតដ៏លំបាក និងខុសគ្នា គុណភាពគឺល្អជាងឥដ្ឋធម្មតា ដូច្នេះមានតែគ្រួសារអ្នកមាន និងកុកងឺនៅពេលនោះប៉ុណ្ណោះដែលអាចប្រើឥដ្ឋស៊ូចូវបាន។ សិប្បករក្នុងផលិតកម្មតែងប្រដូចការខិតខំប្រឹងប្រែងដើម្បីធ្វើឥដ្ឋថាជា ចំនួនមាសឥដ្ឋ។

យ៉ាងណាមិញ នៅក្នុងការដេញថ្លៃវត្ថុបុរាណមួយនៅដើមទសវត្សរ៍ឆ្នាំ ២០០០ ឥដ្ឋមាសមួយគូក្រុង Suzhou ត្រូវបានលក់ក្នុងតម្លៃ ៨០០,០០០ យន់ ។ អាថ៌កំបាំងនៃការបង្កើតឥដ្ឋមាស នៅក្នុងទីក្រុងហាមឃាត់ត្រូវបានបាត់បង់ ហើយគ្មាននរណាម្នាក់អាចបង្កើតផលិតផលស្រដៀងគ្នានេះបានទេ៕