អាកាសចរណ៍ កាតា កើបលុយចំនួន ១.២ ពាន់លានដុល្លារ ជាពិសេសពេល World Cup ២០២២

ក្រុមហ៊ុនអាកាសចរណ៍ Qatar Airways ទទួលបានប្រាក់ចំណេញចំនួន ១.២ ពាន់លានដុល្លារក្នុងឆ្នាំសារពើពន្ធ ២០២២ ជាពិសេសបានមកពីព្រឹត្តិការណ៍ FIFA World Cup ដែលកាតាធ្វើជាម្ចាស់ផ្ទះ ។

នៅក្នុងរបាយការណ៍របស់ក្រុមហ៊ុន Qatar Airways បង្ហាញថា ពេញមួយព្រឹត្តិការណ៍ World Cup ឆ្នាំ ២០២២ ក្រុមហ៊ុនបានដំណើរការជើងហោះហើរប្រហែល ១៤ ម៉ឺនដង ដើម្បីនាំមនុស្សជាង ១.៤ លាននាក់ទៅមើលបាល់ទាត់ពិភពលោកនៅកាតា ។

ទោះយ៉ាងណា ប្រាក់ចំណេញរបស់ក្រុមហ៊ុន Qatar Airways ចំនួន ១.២ ពាន់លានដុល្លារ គឺធ្លាក់ចុះបន្តិចពីចំនួន ១.៥ ពាន់លានដុល្លារកាលពីឆ្នាំសារពើពន្ធមុនៗ ដែលបណ្តាលមកពីការកើនឡើងនៃការចំណាយប្រតិបត្តិការ ជាពិសេសឥន្ធនៈយន្តហោះ ខណៈពេលជំងឺរាតត្បាតកូវីដ ១៩, ក្រុមហ៊ុន Qatar Airways ទទួលបានប្រាក់ចំនួន ៣ ពាន់លានដុល្លារប៉ុណ្ណោះ ។

គួរបញ្ជាក់ថា ក្រុមហ៊ុន Qatar Airways មានយន្តហោះចំនួន ២៦៥ គ្រឿង ហោះទៅកាន់គោលដៅជិត ១៦០ ជុំវិញពិភពលោក ខណៈក្នុងឆ្នាំសារពើពន្ធ ២០២២ ក្រុមហ៊ុនរកចំណូលបានជិត ២១ ពាន់លានដុល្លារ ពោលកើនឡើងពី ១៤.៤ ពាន់លានដុល្លារកាលពីឆ្នាំ ២០២១ ៕

ប្រែសម្រួល៖ នាង រតនៈ

ប្រភព៖ AP

ចុចអាន៖ រុស្ស៊ី ថា អ៊ុយក្រែន កំពុងសុំទានអាវុធអច្ឆរិយៈពី អាមេរិក និងអឺរ៉ុប