ព័ត៌មានអន្ដរជាតិ

កូនស្រី ថាក់ស៊ីន ដាក់ចំៗឲ្យលោក Chuwit ថា ច្រណែនឪពុកខ្លួនដែលប្រកាសវិលចូលស្រុកថៃវិញ

បានផុស

២ years មុន

នៅ

ថ្ងៃសៅរ៍ ២៩ កក្កដា ២០២៣

ដោយ

កាលពីព្រឹកថ្ងៃ២៩ ខែកក្កដា ឆ្នាំ២០២៣ អតីតអ្នកនយោបាយលោក Chuwit Kamolvisit បានបង្ហោះសារតាមរយៈហ្វេសប៊ុកផ្ញើទៅកាន់អតីតនាយករដ្ឋមន្ត្រីថាក់ស៊ីន ស៊ីណាវ៉ាត្រា ដោយថា លោកប្ដូរចិត្តលែងវិលមកវិញ បង្កើតឲ្យមានការភ្ញាក់ផ្អើលនៅក្នុងពិភពអ៊ីនធឺណិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតអ្នកនយោបាយចំណាស់រូបនេះបានសរសេរសារថា “ល្បែងនេះបានធ្វើឲ្យលោកថាក់ស៊ីនដកខ្លួន និងលុបចោលការវិលត្រឡប់ទៅប្រទេសថៃវិញ ពេលនេះស្ថានភាពកំពុងផ្លាស់ប្តូរ”។ ជាមួយនឹងការបង្ហោះនោះ អ្នកលេងអ៊ីនធឺណិតជាច្រើនចែករំលែកជាមួយមតិយោបល់ដើម្បីស្វែងយល់ថាអ្វីដែលលោកនិយាយតើវាពិតយ៉ាងណា?

លើសពីនេះទៀតលោក Chuwit បានសរសេរបន្ថែមនៅក្នុងមតិយោបល់នោះថា លទ្ធផលគឺភាពស្រពិចស្រពិល អស់សង្ឃឹមនិងធ្វើឲ្យវាដូចមុន។ ដោយសារការទុកចិត្ត ការជឿជាក់ ទីបញ្ចប់គឺត្រូវខកចិត្ត ម្ដងនេះវាធ្ងន់ធ្ងរអាក្រក់ជាងរាល់ដង។ គោលដៅគួរតែដឹងថាវាជាអ្វីហើយ! ចាញ់បោកគេម្តងហើយម្តងទៀត។

ដោយឡែកកាលពីពេលថ្មីៗនេះ អ្នកយកព័ត៌មានលោក Sorayut Suthatsanachinda បានលើកយកការបង្ហោះរបស់លោក Chuwit មកធ្វើសេចក្តីរាយការណ៍ ខណៈលោកស្រី Paetongtarn Shinawatra នៃគណបក្សភឿថៃ និងបេក្ខជននាយករដ្ឋមន្ត្រី ស្រាប់តែចូលមកបញ្ចេញមតិនៅក្រោមការបង្ហោះដោយបញ្ជាក់យ៉ាងខ្លីថា «ច្រណែន» រហូតធ្វើឲ្យមហាជនចូលបញ្ចេញមតិព្រោងព្រាត និងជឿជាក់ថា អតីតនាយករដ្ឋមន្ត្រីថាក់ស៊ីន ស៊ីណាវ៉ាត្រា នឹងវិលចូលស្រុកកំណើតវិញជាក់ជាមិនខាន៕

ប្រែសម្រួល៖ សាង ស្រីល័ក្ខ

ប្រភព៖vpoolonline

ចុចអាន៖ក្រុមអ្នកតវ៉ាទាមទារឲ្យសមាជិកព្រឹទ្ធសភាលាលែងតំណែង ហើយឲ្យគណបក្សភឿថៃរក្សានូវសុចរិតភាព